U Minsku samuju vialikuju zarpłatu atrymlivajuć IT-śpiecyjalisty. Jak paviedamili ŭ hałoŭnym statystyčnym upraŭleńni horada, za kastryčnik 2015 hoda siaredniaja zarpłata śpiecyjalistaŭ, dziejnaść jakich źviazana z vyličalnaj technikaj, skłała 30 młn. 81 tys. rubloŭ.
Taksama vysokuju zarpłatu atrymlivajuć śpiecyjalisty pavietranaha transpartu — 16 młn. 388,5 tys. rubloŭ, śpiecyjalisty pa apieracyjach ź nieruchomaściu — 14 młn. 620,9 tys. rubloŭ, finansavyja pasredniki — 12 młn. 852,9 tys. architektary — 12 młn. 201,2 tys., śpiecyjalisty chimičnaj pramysłovaści — 10 młn. 346,4 tys. rubloŭ.
Minimalnaja zarpłata ŭ śpiecyjalistaŭ, čyja dziejnaść źviazanaja z akazańniem sacyjalnych pasłuh, — 4 młn. 744,5 tys. rubloŭ, z kino i videafilmami — 5 młn. 505,7 tys. rubloŭ.
Naminalnaja siaredniemiesiačnaja zarabotnaja płata rabotnikaŭ Minska ŭ studzieni—kastryčniku 2015 hoda skłała 9 młn. 16,4 tys. rubloŭ, u tym liku ŭ kastryčniku — 9 młn. 321,7 tys. rubloŭ, pavialičyŭšysia ŭ paraŭnańni ź vieraśniem 2015 hoda na 0,4%, abo na 33,9 tys. rubloŭ.
Realnaja zarabotnaja płata (raźličanaja z ulikam rostu spažyvieckich cen na tavary i pasłuhi) u studzieni—kastryčniku 2015 hoda ŭ paraŭnańni sa studzieniem—kastryčnikam 2014 hoda źmienšyłasia na 0,2%, u kastryčniku 2015 hoda ŭ paraŭnańni z kastryčnikam 2014 hoda — pavialičyłasia na 0,5%.
U kastryčniku 2015 hoda ŭ pramysłovaści sredniaja zarpłata skłała 8 młn. 218 tys. rubloŭ, u budaŭnictvie — 10 młn. 267,9 tys., na transparcie i ŭ suviazi — 9 młn. 451,3 tys., u sielskaj haspadarcy, palavańni i lasnoj haspadarcy — 7 młn. 303,2 tys., u adukacyi — 6 młn. 24,4 tys., u tym liku nastaŭnikaŭ — 6 młn. 317 tys., prafiesarska-vykładčyckaha składu — 8 młn. 570,2 tys. rubloŭ.
Zarabotnaja płata rabotnikaŭ achovy zdaroŭja i akazańnia sacyjalnych pasłuh u kastryčniku 2015 hoda skłała 6 młn. 692,8 tys. rubloŭ, u tym liku ŭ śfiery achovy zdaroŭja — 6 młn. 775,3 tys. rubloŭ. Siaredniaja zarabotnaja płata ŭračoŭ skłała 9 młn. 196,9 tys. rubloŭ, siaredniaha miedycynskaha piersanału — 6 młn. 503,8 tys. rubloŭ.
Kamientary