Rektar BDU pieraściaroh studentaŭ ad udziełu ŭ «destruktyŭnych pracesach» i «palityčnych hulniach»
Rektar Biełaruskaha dziaržaŭnaha univiersiteta Siarhiej Abłamiejka vystupiŭ z admysłovaj zajavaj nakont uviadzieńnia apłaty za pierazdaču ispytaŭ i zalikaŭ.
Uvieści apłatu ŭ BDU miarkujecca z 1 studzienia 2016 hoda. Heta ŭžo vyklikała pratesty siarod studentaŭ: jany sabrali 2500 podpisaŭ, jakija administracyja ŭniviersiteta praihnaravała. U padtrymku biełaruskich studentaŭ vykazaŭsia i Jeŭrapiejski studencki sajuz.
U svaim zvarocie Abłamiejka nazvaŭ uviadzieńnie apłaty za pierazdaču ispytaŭ i zalikaŭ kłopatam pra jakaść adukacyi. «Nas chvaluje jakaść adukacyi i prestyž dypłoma BDU. Kłapociačysia pra heta, BDU ŭvioŭ płatu za pierazdaču zalikaŭ i ispytaŭ, što źjaŭlajecca adnym ź instrumientaŭ upłyvu na vučobu studentaŭ», — adznačyŭ rektar BDU. Pa jaho słovach, pierad pryniaćciem rašeńnia było praviedzienaje abmierkavańnie z usimi navučalnymi padraździaleńniami univiersiteta, taksama ładzilisia sustrečy kiraŭnictva z orhanami studenckaha samakiravańnia, studenckich savietaŭ pa jakaści adukacyi, było praviedzienaje apytańnie dumki studentaŭ.
Abłamiejka adznačyŭ: «Rektarat BDU atrymaŭ kalektyŭny zvarot studentaŭ pa pytańni ab płacie za pierazdačy i adkazaŭ na hety zvarot. Paśla padačy zvarotu nichto sa studentaŭ pa hetym pytańni na pryjom da rektara abo prarektaraŭ nie prychodziŭ».
Rektar BDU nazvaŭ niedakładnymi i pravakacyjnymi źviestki, byccam na niekatorych studentaŭ akazvaŭsia cisk za pratesty suprać novaŭviadzieńnia: «U nas niama ni adnaho faktu, kab studentaŭ univiersiteta chtości pieraśledvaŭ za jakija-niebudź dziejańni. Kankretnyja fakty pra kožny padobny vypadak stanuć pradmietam razhladu na ŭzroŭni kiraŭnictva univiersiteta».
Abłamiejka ličyć, što niekatoryja arhanizacyi starajucca pieravieści pytańnie pra płatu za zaliki i ispyty ŭ palityčnuju płoskaść. «Ličym nieprymalnymi sproby ŭciahnuć studentaŭ našaha ŭniviersiteta i inšych univiersitetaŭ krainy ŭ destruktyŭnyja pracesy, zaklikanyja raskałoć akademičnuju supolnaść, skampramietavać sistemu vyšejšaj adukacyi krainy», — havorycca ŭ zajavie rektara. Jon zaklikaŭ studentaŭ być pilnymi i nie dać uciahnuć siabie ŭ «palityčnyja hulni».
-
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
-
«Bajsoł» abvinavaciŭ Stryžaka ŭ admovie pieradać kantrol nad jurydyčnymi asobami ŭ Polščy i ZŠA
-
Departavanym palitviaźniam, kab abžycca na novym miescy, zaraz treba prostyja rečy: vopratka, posud, paściel — zbor
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary