Pieramovy ŭ farmacie «adzin na adzin» kiraŭnikoŭ Biełarusi i Azierbajdžana byli doŭhimi. Kala dźviuch hadzin Łukašenka i Alijeŭ kantaktavali biez členaŭ svaich delehacyj. Paśla Alaksandr Łukašenka i Ilcham Alijeŭ vyjšli ŭ inšuju zału dla taho, kab pravieści pieramovy ŭ pašyranym składzie, paviedamlaje kp.by.
— Śviet ašaleŭ. Vy bačycie, što adbyvajecca. I ŭ hetym burnym, niepradkazalnym śviecie nam siońnia žyć, a dakładniej navat vyžyvać. I my trymać pavinny adzin adnaho dla taho, kab supraćstajać tym pahrozam, jakija siońnia isnujuć u śviecie. My pra heta taksama kazali i heta nie ŭtojvajem, — skazaŭ Alaksandr Łukašenka.
Alijeŭ pavinšavaŭ kiraŭnika Biełarusi z «pierakanaŭčaj pieramohaj» na vybarach prezidenta 11 kastryčnika.
— Na ekanamičny kryzis u mnohich krainach nakładvajecca jašče palityčny i vajenna-palityčny kryzis, jaki dyktuje novyja padychody ŭ vyrašeńni prablem u pieryjad kanfrantacyi, — skazaŭ prezident Azierbajdžana. — Taja stabilnaść, jakaja isnuje ŭ Biełarusi — hałoŭny pakazčyk pośpiechu. A taksama hałoŭny załoh taho, što hety pośpiech budzie praciahnuty. Dla nas Biełaruś siabroŭskaja brackaja dziaržava.
Kamientary