Žančyna, jakaja prymała ŭdzieł u napadzie ŭ San-Biernardyna, pryniesła klatvu viernaści ekstremisckaj hrupoŭcy «Isłamskaja dziaržava», zajavili amierykanskija aficyjnyja asoby.
Tašfyn Malik pakinuła zapis, u jakim vykazvaje padtrymku lidaru «Isłamskaj dziaržavy», na svajoj staroncy ŭ «Fejsbuku», jakuju jana viała pad vydumanym imiem.
U vyniku napadu, ździejśnienaha mužam i žonkaj u San-Biernardyna, zahinuli 14 čałaviek i 21 byŭ paranieny. Sama 27-hadovaja Malik i jaje 28-hadovy muž Said Ryzvan Faruk byli zabityja ŭ pierastrełcy z palicyjaj.
Pry pieratrusie ŭ ich domie byŭ znojdzieny skład zbroi, uklučajučy vybuchoŭku i abstalavańnie dla vyrabu bombaŭ, roznyja vidy strałkovaj zbroi i tysiačy patronaŭ.
Palicyja pakul nie moža nazvać matyvy strałkoŭ, ale nie vyklučaje, što havorka moža iści pra teraryzm.
New York Times piša, što pakul niama ŭkazańniaŭ na toje, što ID naŭprost datyčnaja da napadu. «Na dadzieny momant my ličym, što jany radykalizavalisia sami, i tolki natchnialisia idejami ID», — cytuje hazieta nienazvanaha pradstaŭnika ŭładaŭ.
Ciapier čytajuć
Połk Kalinoŭskaha paviedamiŭ pra hibiel troch bajcoŭ7
Kamientary