«Bieźbiletnica-akrabatka» sa staličnaha tralejbusa i kantralor napisali zajavy ŭ milicyju
Historyja ź dziaŭčynaj-bieźbiletnicaj, jakaja pakinuła zakryty tralejbus praz akno, atrymała svoj praciah.
Jak raspavioŭ pradstaŭnik pres-słužby HUUS Minharvykankama Jaŭhien Sačak, usie ŭdzielniki kanfliktu byli dastaŭleny ŭ milicyju.
«U Partyzanskim RUUS i dziaŭčyna, i kantralor napisali zajavy milicyju, u jakich vykłali kožny svaju viersiju padziej», — raspaviali ŭ HUUS Minharvykankama.
U milicyi ŭdakładnili, što šukać dziaŭčynu-bieźbiletnicu nie pryjšłosia: kali pravaachoŭniki prybyli na miesca vykliku, kala tralejbusa znachodzilisia ŭsie ŭdzielniki padziej — kiroŭca, kantralor i bieźbiletnica.
«Jakuju-niebudź pravavuju acenku zaraz davać zaŭčasna. Pravodzicca pravierka, vyvučajucca pakazańni ŭsich bakoŭ i śviedak», — adznačyli ŭ milicyi.
6 śniežnia ŭ Minsku prykładna ŭ 15.30 dziaŭčyna nibyta nie apłaciła prajezd i admoviłasia vychodzić z kantralorami praź dźviery. Kiroŭca tralejbusa zabłakavała dźviery, ale dziaŭčyna ŭsio ž pakinuła transpart — praz akno.
Ciapier čytajuć
Jak u halečy śpivałasia radnia Łukašenki? Małaviadomyja fakty7
Kamientary