U Minsku z 15 śniežnia źmianiajecca režym pracy charčovych i niecharčovych mahazinaŭ, hramadskaha charčavańnia i abjektaŭ bytavoha absłuhoŭvańnia horada ŭ pieradśviatočnyja i śviatočnyja dni, paviedamili ŭ pres-słužbie Minharvykankama.
Z 15 śniežnia pa 7 studzienia dla charčovych mahazinaŭ handlovaj płoščaj zvyš 650 kv. m zakančeńnie pracy ŭstanaŭlivajecca nie raniej za 22.00. U pieradśviatočnyja dni 24, 31 śniežnia i 6 studzienia abjekty bytavoha absłuhoŭvańnia nasielnictva pracujuć pa režymie pracoŭnaha dnia; dla cyrulniaŭ zakančeńnie pracy nie raniej za 21.00.
Pry najaŭnaści zamovaŭ na praviadzieńnie śviatočnych mierapryjemstvaŭ z 15 śniežnia pa 1 studzienia abjekty hramadskaha charčavańnia pracujuć biez vychadnych dzion, dla restaranaŭ i kafe — da 6.00 (za vyklučeńniem raźmieščanych u pamiaškańniach, ubudavanych u žyłyja budynki).
Usie abjekty z 15 śniežnia pa 15 studzienia nie pavinny zakryvacca na ramont, invientaryzacyju, sanitarnyja dni i inšyja takija mierapryjemstvy. U kožnym administracyjnym rajonie horada 25 śniežnia i 7 studzienia pavinny pracavać cyrulni.
Charčovyja mahaziny 25, 31 śniežnia i 7 studzienia pracujuć pa režymie pracoŭnaha dnia, 1 studzienia — z 10.00 da 18.00. Niecharčovyja mahaziny 25, 31 śniežnia i 7 studzienia pracujuć pa režymie pracoŭnaha dnia, 1 studzienia — vychadny.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje22
Kamientary