Kvadratny mietr u «Minsk-Śviecie» ŭžo pieravysiŭ $2400. Što tam pradajecca?

Office Life pahladzieŭ, jakija kvatery prapanujuć u hetym mikrarajonie.

U cełym na minułym tydni na druhasnym rynku sukupnaja kolkaść kvater istotna nie źmianiłasia — 4,29 tys. Tolki na 23 lutaha vybar kvater u momancie skaraciŭsia ŭsiaho na 1,5% — da 3,95 tys. unikalnych.

Ekśpierty źviazvajuć heta z rostam prodažaŭ. Kali za papiaredni tydzień na druhasnym rynku było zafiksavana 393 ździełki, to za minuły — užo 660.

Jašče ŭ pačatku lutaha Realt prahnazavaŭ 1250 čystych ździełak, ale na siońnia hetu ličbu padniali da 1350.

Što z koštam kvadrata?

Košt kvadratnaha mietra praciahvaje raści, pry tym što pieravažaje kolkaść abjaŭ z panižeńniem cany. Za treci tydzień lutaha patańnieła 8% kvater ad ahulnaha abjomu prapanovy — u siarednim na $1—4 tys., a dola vypadkaŭ rostu cany skłała ŭsiaho 3%. U siarednim jany padaraželi na $2—6 tys.

U vyniku siaredniaja cana kvadratnaha mietra ŭ Minsku za minuły tydzień vyrasła na 0,5% — da $2258, a ŭ «Minsk-Śviecie» — na 1,1%, da $2415. Pryčym za apošni hod košt žylla ŭ hetym mikrarajonie vyras bolš čym na 30% i staŭ pieravyšać siarednija značeńni pa Minsku. U lutym 2025‑ha kvadratny mietr tut kaštavaŭ $1702.

Pavialičyć

Kali pahladzieć na prapanovy kvater, jakija zaraz pradajuć u «Minsk-Śviecie», to cana za «kvadrat» sustrakajecca jak istotna vyšejšaja za siaredniuju, tak i na ŭzroŭni minułahodniaj.

Naprykład, u 3‑pakajovaj kvatery na apošnim paviersie ŭ domie kala «Avija Moła» kvadratny mietr abydziecca ŭ $2780, a ŭ «dvušcy» na vulicy Ihara Łučanka — u $2901. U toj ža čas možna znajści 3‑pakajovuju kvateru pa $2021 za kv. m i 4-pakajovuju, u jakoj kvadratny mietr kaštuje ŭsiaho $1758.

Charakterna, što ceny na kvatery na vierchnich pavierchach u hetym rajonie prykmietna vyšej, niaredka za košt vyhladu z akna, na jaki robiać akcent u abjavie. Da prykładu, kvadratny mietr u «trošcy» na 21‑m paviersie kaštuje kala $2540, a ŭ «dvušcy» na 23‑m — $2680.

U toj ža čas u susiednich damach 2‑pakajovyja kvatery na druhim paviersie možna znajści za $2320, a 3‑pakajovyja na pieršym paviersie — pa $2056 za «kvadrat».

Darečy, pa Minsku za apošni miesiac bolš za ŭsio vyraśli ceny na 4— i 3‑pakajovyja kvatery. Kali pieršy varyjant padaražeŭ na 8,4% — da $2148, to «troški» na 2,9 procienta da $2165. A voś adnapakajovyja kvatery za hety pieryjad vyraśli ŭ canie na 2,5% — da $2388.

• 0
• 0
• 0
• 0
• 0
• 0
• 0
• 0