Mihranty z Kosava, Iraka i Afhanistana pačali pakidać Aŭstryju, bo ich čakańni ŭ hetaj krainie nie apraŭdalisia. Pa słovach mihrantaŭ, jany dumali, što dohlad za imi budzie arhanizavany na bolš vysokim uzroŭni, a praces atrymańnia statusu biežanca budzie praściejšym.
Pradstaŭnik dabračynnaj arhanizacyi Caritas Marcin Hantner rastłumačyŭ, što niekatoryja pryjezdžyja viartajucca dadomu z-za strachu «departacyi i prynižeńnia», inšyja sumujuć pa svaich siemjach, a častka ź ich mieła inšyja ŭjaŭleńni pra Aŭstryju i Jeŭropu ŭ cełym, paviedamlaje Lenta.ru sa spasyłkaj na The Local.
Pavodle infarmacyi The Local, heta paćviardžajuć i dadzienyja Ministerstva ŭnutranych spraŭ krainy. Tak, u pieryjad sa studzienia pa listapad Aŭstryju dobraachvotna pakinuli paradku 1,1 tysiač kasavaraŭ, 530 irakcaŭ i 120 afhancaŭ. Dla paraŭnańnia, u 2014 hodzie na radzimu pierabralisia tolki dvoje vychadcaŭ ź Iraka, dzieviać z Afhanistana i adzin ź Irana.
«Hetaja tendencyja stała najbolš prykmietnaj prykładna ź siaredziny vieraśnia», — zajaviŭ pradstaŭnik viedamstva Karł-Chiejnc Hrundbiek.
Kiraŭnik vienskaj asacyjacyi pa abaronie pravoŭ čałavieka Hiunter Ekier adznačyŭ, što trend budzie zachoŭvacca ŭ najbližejšaj budučyni.
«Mnohija irakcy kažuć, što jany čakali lepšaj sacyjalnaj abarony tut, mnohija taksama nie majuć ujaŭleńnia, kolki budzie doŭžycca praces atrymańnia statusu biežanca. Jany navat nie ŭjaŭlali, što ich siemji zmohuć pierabracca da ich tolki praz hod ci navat bolš», — rastłumačyŭ Ekier.
Kamientary