Basiejn i ŭroki finansavaj piśmiennaści dla čatyrochhadovych.
15 śniežnia ŭ staličnym mikrarajonie Lebiadziny pačali pracu novyja jaśli-sad na 190 miescaŭ. Va ŭračystym adkryćci ŭziali ŭdzieł hałoŭny inśpiektar pa Minsku Alaksandr Jakabson i pieršy namieśnik staršyni harvykankama Uładzimir Kucharaŭ.
Čym daškolnaja ŭstanova na vulicy Ržavieckaj, 7 adroźnivajecca ad inšych sadkoŭ Centralnaha rajona i jaki dośvied minskija čynoŭniki chacieli b pieraniać u słaviencaŭ — u materyjale TUT.BY.
Trochpaviarchovy sad № 28 pačali budavać u listapadzie 2014-ha i ŭźviali litaralna za hod. Dziciačaja ŭstanova na 10 hrup była raspracavana «Minskprajektam», a pracy vykonvalisia staličnym budtrestam № 4, dyrektar jakoha taksama prysutničaŭ na ŭračystym adkryćci.
Siarod hanarovych haściej byŭ pamočnik prezidenta i hałoŭny inśpiektar pa Minsku Alaksandr Jakabson, pieršy namieśnik staršyni vykankama Uładzimir Kucharaŭ, kiraŭnik Centralnaha rajona Hanna Macielskaja i staršynia kamiteta pa adukacyi staličnaj meryi Michaił Mirončyk.
Na druhim paviersie čynoŭniki naviedali adnu z 10 hrup sadka.
Alaksandr Jakabson prakantralavaŭ, ci ciače z krana vada, a Michaił Mirončyk adznačyŭ, što ŭ dziciačym sadzie, jaki buduje niepadalok słavienskaja kampanija «Ryka», sanprybory lepšyja.
«Usie z čyrvonymi ŭstavačkami, nie vidać hetych trub nidzie. Našym budaŭnikam u hetym płanie treba pavučycca ŭ ich», — padkreśliŭ staršynia kamiteta pa adukacyi.
Nastupnmym punktam pryznačeńnia čynoŭnikaŭ stała kampjutarnaja zała, anałahaŭ jakoj niama ni ŭ adnym dziciačym sadku Centralnaha rajona. Heta sumiesny z Nacbankam prajekt pa navučańni dziaciej finansavaj piśmiennaści, pačynajučy ŭžo z 4 hadoŭ.
Na trecim paviersie daškolnaj ustanovy raźmiaściłasia himnastyčnaja i trenažornaja zała.
Jakabson prainśpiektavaŭ i jaho, paśla čaho nakiravaŭsia ŭ spartovaje pamiaškańnie dla jasielnych hrup.
Na pieršym paviersie haściam pakazali charčabłok, adkul ježa dastaŭlajecca na śpiecyjalnym padjomniku na ŭsie pavierchi ŭstanovy. Hałoŭny inśpiektar pa Minsku zazirnuŭ u kacioł dla hatavańnia supu, a staršynia kamiteta adukacyi žartam zaŭvažyŭ, što prysutnyja parušajuć sanitarnyja normy.
«Niama Žukavaj (hałoŭny sanitarny doktar stalicy) na nas, praŭda?» — skazaŭ Mirončyk, i čynoŭniki nakiravalisia ŭ basiejn, jaki taksama raźmieščany na pieršym paviersie.
Pa darozie Alaksandr Jakabson pacikaviŭsia, kolki kaštuje ŭtrymańnie dziciaci ŭ dziciačym sadzie. Jamu adkazali, što dla siarednich i starejšych hrup heta abychodzicca prykładna ŭ 26 tysiač u dzień. Ahulnymi namahańniami pryjšli da vysnovy, što heta krychu bolš za 600 tysiač u miesiac.
«Narmalna», — skazaŭ niechta z prysutnych.
«Kali narmalna, značyć, treba pavyšać», — pažartavaŭ Mirončyk.
«Kali amal 2 miljony na dvaich ci traich dziaciej atrymlivajecca, to heta nie vielmi i narmalna», — paryravaŭ Jakabson.
Hanarovym haściam pakazali basiejn z čašaj na 20 «kuboŭ». Pamočnik prezidenta pacikaviŭsia arhanizacyjaj zaniatkaŭ, paśla čaho čynoŭniki zaviaršyli abchod.
Pieršyja dzieci pryjduć u jaśli-sad № 28 16 śniežnia. Ustanova prapanuje siarednim i starejšym hrupam nie tolki biaspłatnyja ŭroki finansavaj piśmiennaści, ale i płatnyja kursy anhlijskaj movy, estetyčnaje vychavańnie i dziciačy fitnes.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva1
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary