Lidskim rajonnym adździełam Śledčaha kamiteta padčas rasśledavańnia spravy ab machlarstvie ŭ bujnym pamiery (č. 3 art. 209 KK) vyjaŭleny fakt kradziažu šlacham złoŭžyvańnia słužbovymi paŭnamoctvami (č. 2 art. 210 KK).
Jak paviedamiŭ aficyjny pradstaŭnik upraŭleńnia SK pa Hrodzienskaj vobłaści Siarhiej Šaršanievič, va ŭčynieńni złačynstvaŭ padazrajecca miascovaja žycharka, jakaja raniej pracavała ŭ adnym z bankaŭ Lidy. Z 2013 pa 2014 hady pad markaj uziaćcia ŭ doŭh jana zavałodała 800 dalarami ZŠA, što naležali dvum kaleham. Aprača taho, złoŭžyvajučy davieram, zapeŭniła jašče dźviuch supracoŭnic banka aformić na svajo imia kredyty i pieradać hrošy joj, abiacajučy svoječasovaje pahašeńnie płaciažoŭ. I prysvoiła 73 młn rubloŭ.
Aprača taho, padčas praviedzienaj bankam unutranaj pravierki i nastupnych śledčych dziejańniaŭ źjavilisia padstavy padazravać žančynu ŭ kradziažy 1.700 dalaraŭ ZŠA z rachunku adnaho z klijentaŭ šlacham składańnia padłožnaha raschodnaha valutnaha ordera.
Z metaj zabieśpiačeńnia kampiensacyi naniesienaha ŭronu nakładzieny aryšt na majomaść padazronaj na ahulnuju sumu zvyš 100 młn rubloŭ. Śledčyja vyvučajuć kanfiskavanuju bankaŭskuju dakumientacyju, pravodziać dopyty rabotnikaŭ banka, u tym liku byłych, a taksama klijentaŭ. Pryznačanaja počyrkaznaŭčaja ekśpiertyza. Vyjaŭlajucca inšyja asoby, pravy i zakonnyja intaresy jakich mahli być parušanyja niezakonnymi dziejańniami byłoj rabotnicy banka.
Kančatkovaja pravavaja acenka dziejańniam fihurantki budzie dadzienaja paśla zaviaršeńnia rasśledavańnia.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina18
Kamientary