Prezident Rasii Uładzimir Pucin padpisaŭ ukaz ab prypynieńni damovy ab zonie svabodnaha handlu (ZSH) z Ukrainaj z 1 studzienia 2016 hoda. Adpaviednaja infarmacyja znachodzicca na aficyjnym partale raskryćcia pravavoj infarmacyi.
Ukaz pryniaty «ŭ suviazi z vyklučnymi abstavinami, jakija zakranajuć intaresy i ekanamičnuju biaśpieku» dziaržavy. Ministerstva zamiežnych spraŭ pavinna paviedamić Kijevu pra skasavańnie pahadnieńnia.
18 listapada ministr ekanamičnaha raźvićcia RF Alaksiej Ulukajeŭ paviedamiŭ, što ŭrad RF vyrašyŭ uvieści pradembarha ŭ dačynieńni da Ukrainy. Jano pačynaje dziejničać 1 studzienia 2016 hoda — adnačasova z ustupleńniem u siłu pahadnieńnia ab dałučeńni Ukrainy da ZSH ź Jeŭrasajuzam.
U kastryčniku premjer-ministr Ukrainy Arsienij Jacaniuk zajaviŭ, što pahadnieńnie ab ZSH Ukrainy i Jeŭrasajuza ŭstupić u siłu 1 studzienia 2016 hoda i ni adna treciaja kraina, u tym liku i Rasija, nie pavinna ŭpłyvać na jaho dziejańnie.
Raniej, 29 vieraśnia, kiraŭnik urada Rasii Dźmitryj Miadźviedzieŭ zajaviŭ, što Rasija maje namier pierajści na zvyčajny handlovy režym z Ukrainaj, bieź ilhot i prefierencyj.
Damova ab ZSH z Ukrainaj była padpisanaja ŭ Sankt-Pieciarburhu 18 kastryčnika 2011 hoda. Jana praduhledžvała biazmytny režym handlu, libieralizacyju ŭmoŭ abmienu tavarami, uzhadnieńnie pastavak.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary