U Minsku adbyłosia padvojnaje zabojstva.
Pra heta paviedamlaje pres-słužba HUUS Minharvykankama.
20 śniežnia ŭ 7:13 u kvatery žyłoha doma pa Alibiehava z množnymi nažavymi ranieńniami šyi i cieła byli znojdzieny trupy mužčyny i žančyny. Pa ciele mužčyny było naniesiena kala 50 udaraŭ nažom, pa ciele žančyny — bolš za 30.
U chodzie apieratyŭna-vyšukovych mierapryjemstvaŭ milicyja ŭstanaviła, što da ździajśnieńnia złačynstva datyčnyja dvoje maładych ludziej, jakich naniała za 5 miljonaŭ rubloŭ byłaja blizkaja siabroŭka maładoha čałavieka.
Takim čynam jana chacieła adpomścić novaj dziaŭčynie svajho byłoha maładoha čałavieka. Jana nie prasiła zabivać sapiernicu, a chacieła «adpravić» u balnicu tydni na dva, kab u hety čas pasprabavać naładzić adnosiny z maładym čałaviekam. Vykanaŭcy «pieraščyravali» i zabili abodvuch.
***
Jak paviedamiła ŭ svaim fejsbuku aficyjny pradstaŭnik Śledčaha kamiteta Julija Hančarova, kryminalnaja sprava ab padvojnym zabojstvie ŭ Maskoŭskim rajonie stalicy rasśledujecca Hałoŭnym śledčym upraŭleńniem.
Pa daručeńni śledstva supracoŭnikami milicyi praviedzieny kompleks apieratyŭna-vyšukovych mierapryjemstvaŭ, u chodzie jakich zatrymana čaćviora padazravanych, siarod jakich adna žančyna (mužčyny 1972, 1984, 1992 hadoŭ naradžeńnia, žančyna 1989 naradžeńnia).
U chodzie śledstva buduć ustanoŭleny ŭsie abstaviny i matyvy ździejśnienaha złačynstva, a taksama rola kožnaha z zatrymanych u jaho ździajśnieńni.
Varta adznačyć vysoki ŭzrovień uzajemadziejańnia ŭsich słužbaŭ i padraździaleńniaŭ, jakija ažyćciaŭlajuć rabotu pa hetaj kryminalnaj spravie, dadała Julija Hančarova.
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary