Hramadstva1111

Sud prypyniŭ razhlad spravy ab abaronie honaru i hodnaści Lucyi Łuščyk

Sud Centralnaha rajona Minska prypyniŭ razhlad spravy ab abaronie honaru, hodnaści i dziełavoj reputacyi žonki biznesoŭca Andreja Hieraščanki, televiadučaj Lucyi Łuščyk. Pryčyna — sustrečny pazoŭ Iłony Hieraščanka, byłoj žonki biznesmiena.

Biznesoviec Andrej Hieraščanka z advakatkaj.

23 śniežnia ŭ sud pryjšli biznesoviec Andrej Hieraščanka z advakatkaj Jaŭhienijaj Patapavaj i Hanna Dakućka, advakatka byłoj žonki Hieraščanki Iłony. Samoj televiadučaj u zale suda nie było, paviedamlaje Tut.by.

Chadajnictva advakata Lucyi Łuščyk — razhladać spravu ŭ zakrytym režymie — sud adchiliŭ.

U pracesie vyśvietliłasia, što 22 śniežnia ŭ sud Centralnaha rajona Minska byŭ padadzieny sustrečny pazoŭ z boku byłoj žonki biznesoŭca Iłony Hieraščanka. Jon taksama ab abaronie honaru, hodnaści i dziełavoj reputacyi. Jak patłumačyła jaje advakat Hanna Dakućka, pazoŭ padadzieny ŭ suviazi ź infarmacyjaj, jakaja była raspaŭsiudžanaja ŭ prysutnaści dziciaci, — dački Iłony i Andreja Hieraščanki.

U ramkach zajavy Iłona Hieraščanka patrabuje kampiensacyi maralnaj škody. Sumu pavinien vyznačyć sud. U vypadku stanoŭčaha rašeńnia pa spravie, jak zaŭvažyła advakat, hrošy nakirujuć na dabračynnaść.

Nahadajem, na pačatku śniežnia ŭ sacsietkach razyšłosia nieadnaznačnaje videa z udziełam biznesmena Andreja Hieraščanki, jaho byłoj žonki Iłony Hieraščanka i ciapierašniaj — Lucyi Łuščyk. Jak stała viadoma, byłyja muž i žonka nie mohuć padzialić 8-hadovuju dačku. U dadzieny momant pa rašeńni suda dziaŭčynka žyvie z baćkam.

Siońnia sud mieŭ razhladać pazoŭ televiadučaj Lucyi Łuščyk. Jaje pretenzii vyklikaŭ artykuł u internecie pad nazvaj «Televiadučaja Lusia Łuščyk apynułasia ŭ centry niepryhožaha siamiejnaha skandału». Televiadučaja ličyć, što apublikavanaja infarmacyja zakranaje jaje dobraje imia, dziełavyja i prafiesijnyja jakaści.

Łuščyk śćviardžaje, što nie ŭdzielničaje ŭ hramadzianska-pravavaj sprečcy z nahody ŭdziełu baćkoŭ u vychavańni dački i nikoli nie prymała dziejańniaŭ, nakiravanych na abmiežavańnie dziciaci ŭ znosinach sa svajoj maci.

Kamientary11

Ciapier čytajuć

Łukašenka patłumačyŭ, čamu jaho nie vidać pa sieradach i subotach19

Łukašenka patłumačyŭ, čamu jaho nie vidać pa sieradach i subotach

Usie naviny →
Usie naviny

U najbližejšy čas Izrail moža ŭdaryć pa Iranie9

Amierykanski miljanier pryjechaŭ u Polšču, kab nabyć futbolny kłub, i naśmierć padaviŭsia varenikam14

SBU ŭkaraniła svajho ahienta ŭ maskoŭski ofis paplečnika Janukoviča, jaki zajmaŭsia špijanažam dla FSB1

Važnyja źmieny ŭ zakonie ab nieruchomaści — jany tyčacca rehistracyi majomaści

Bieraściejcy ŭ Hdańsku staviać rekordy pa abarocie kantejnieraŭ1

Stała viadoma, kali možna spadziavacca na chutkasnuju elektryčku ź Minska ŭ aeraport1

U Francyi mohuć zabłakavać Bluesky i Reddit, a Makron uvohule za zabaronu sacsietak dla dziaciej4

Handlovym sietkam buduć davać ilhotnyja kredyty dla pieradapłaty za aharodninu2

Namieśnik dyrektara Vialikaha teatra Biełarusi — padpałkoŭnik milicyi3

bolš čytanych navin
bolš łajkanych navin

Łukašenka patłumačyŭ, čamu jaho nie vidać pa sieradach i subotach19

Łukašenka patłumačyŭ, čamu jaho nie vidać pa sieradach i subotach

Hałoŭnaje
Usie naviny →

Zaŭvaha:

 

 

 

 

Zakryć Paviedamić