Uzbrojeny razboj u Pietrykavie: rabaŭnik vykraŭ z kramy juvielirnyja vyraby na bujnuju sumu
23 śniežnia ŭ juvielirny mahazin u Pietrykavie uvarvalisia ludzi ŭ mascy i, pahražajučy pistaletam, vynieśli šmat upryhožvańniaŭ, paviedamili Tut.by čytačy. Va USK pa Homielskaj vobłaści paćvierdzili, što fakt razboju sapraŭdy byŭ, ale złačyniec dziejničaŭ u adzinočku i byŭ biez maski.
— 23 śniežnia nieviadomy, pahražajučy pradmietam, padobnym na pistalet, ździejśniŭ kradziež załatych juvielirnych vyrabaŭ u asabliva bujnym pamiery, - raspaviała aficyjny pradstaŭnik USK pa Homielskaj vobłaści Maryja Kryvanohava. — Dakładnaja suma vykradzienaha i kolkaść vyrabaŭ buduć viadomyja paśla invientaryzacyi. Złačyniec z vykradzienym źbieh ź miesca zdareńnia.
Na miesca zdareńnia vyjazdžali śledča-apieratyŭnyja hrupy Pietrykaŭskaha RAUS i UUS Homielskaha abłvykankama. Padrabiaznaści zdareńnia ŭ intaresach śledstva pakul nie vydajucca.
Viadziecca vyšuk złačyncy. Zaviedziena kryminalnaja sprava pa č. 3 artykuła 207 KK pa fakcie razboju, ździejśnienaha ŭ asabliva bujnym pamiery.
Nahadajem, 10 studzienia 2013 h. u Pietrykavie taksama byli spustošanyja vitryny juvielirnaha kramy. Złodziej prakraŭsia ŭ kramu padčas abiedziennaha pierapynku, sarvaŭšy naviasnyja zamki dźviery i rašotki składskoha pamiaškańnia, i vykraŭ załatyja juvielirnyja vyraby na sumu kala 200 miljonaŭ rubloŭ.
Kamientary