Čaplin: «Ci trapili ŭ raj Sacharaŭ i Machatma Handzi? Dakładna, nie. A patryjarch Kirył trapić? Dumaju, tak»
Akademik Sacharaŭ i Machatma Handzi ŭ raj nie trapiać. A voś patryjarch Kirył i prezident Pucin, imavierna, tak. Pra heta ŭ ščyrym intervju rasijskamu časopisu «Snob» zajaviŭ vyzvaleny ad pasady kiraŭnik Sinadalnaha adździeła RPC pa ŭzajemaadnosinach carkvy i hramadstva protaijerej Usievaład Čaplin.
«Ci trapiŭ u raj akademik Sacharaŭ? Dakładna nie. Choć heta byŭ čałaviek dastatkova dabradziejny, z mocnaj hramadzianskaj pazicyjaj, razumny, vysakarodny i ŭsio takoje inšaje. Ale — nie. Bo jon nie viedaŭ sapraŭdnaj viery, jakaja robić mahčymym ŭvachodžańnie ŭ Carstva Božaje, i bo jon žyŭ, spadziejučysia tolki na rozum i tolki na svaje siły, na siłu svajho intelektu, svajoj hramadzianskaj pazicyi. Hetak ža, jak Machatma Handzi.
Pucin — moža być. Jamu tolki kryšku bolš pakory budzie treba i bolš sumlennaści ŭ svaich adnosinach z Boham i Jevanhiellem.
Nakont mianie. Jak luby narmalny pravasłaŭny chryścijanin, ja kažu, što ja nie budu zbaŭleny, tak naležyć naohuł kazać. Čałaviek, jaki ličyć, što jon vyratujecca, pa vyznačeńni pamylajecca. Ale ŭsio-tki nadziei nie pakidaju, i nie svaimi siłami, viadoma, a siłami Božymi. Čałaviek ratujecca nie sam, jaho Boh ratuje, dla hetaha treba tolki ŭ sinierhiju z Boham ŭstupić, heta nie ŭłasnyja čałaviečyja namahańni. Jak užo budzie, heta rassudzić sam Hospad».
«Saromiejusia spytać, a patryjarch to ŭ raj trapić?» — pacikaviŭsia žurnalist.
«Dumaju, tak», — adkazaŭ Čaplin.
-
Pad Hrodnam adnaŭlajuć tury dryzinaj pa vuzkakalejcy
-
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty
-
«Tania mužna pieraadoleła ŭsio i z usim spraviłasia». Dyrektar EPAM padziakavaŭ usim, chto dapamoh hrašyma dla zmahańnia žonki z rakam
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty8
Kamientary