Patryjarch Maskoŭski i ŭsioj Rusi Kirył u kaladnym intervju kanału «Rasija 1» vykazaŭsia ŭ padtrymku «abarončaj vajny», jakuju rasijskija ŭzbrojenyja siły viaduć u Siryi.
Patryjarch padkreśliŭ, što nie ličyć Siryju dalokaj krainaj: «Heta ŭ litaralnym sensie naš susied». Bajavyja dziejańni ŭ Siryi jon razhladaje jak «abaronu Ajčyny» ad pahrozy pieramohi teraryzmu.
«Tamu hetaja vajna abarončaja — nie hetulki navat vajna, kolki kropkavyja ŭździejańnia, — adznačyŭ Kirył. — Ale, tym nie mienš, heta ŭdzieł našych ludziej u vajennych dziejańniach, i pakul hetaja vajna nosić abarončy charaktar, jana źjaŭlajecca spraviadlivaj».
«Naš narod prajšoŭ praz strašnyja vyprabavańni — Biesłan, Vałhahrad, niemahčyma ŭsio pieraličyć. […] A naš samalot, jaki byŭ źbity nad Sinajem? Tamu ŭsio, što adbyvajecca, — heta ŭ adkaz abarončyja dziejańni», - skazaŭ na zakančeńnie jon.
Patryjarch dadaŭ, što carkva razhladaje vajennyja dziejańni jak apraŭdanyja, «kali jany abaraniajuć čałavieka, hramadstva, dziaržava».
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2727
Kamientary