Biełhidramiet: Na vychodnych vierniecca maroz da minus 20—25

Fota Julii Balcevič.

U nastupnyja sutki, 12 studzienia, umovy nadvorja pahoršajuć z-za cykłonu, jaki, zaradziŭšysia nad paŭdniovym zachadam Jeŭropy, budzie pieramiaščacca praz terytoryju Biełarusi. Čakajucca składanyja ŭmovy nadvorja, abvieščany aranžavy ŭzrovień niebiaśpieki.

Na bolšaj častcy terytoryi krainy praciahły mocny śnieh, mokry śnieh, pa poŭdni — mocnyja apadki ŭ vyhladzie mokraha śniehu i daždžu. U mnohich rajonach čakajecca zavirucha, nalipańnie mokraha śniehu. Miescami tuman, hałalod, na darohach hałalodzica. Pa ŭschodzie krainy mocny paryvisty viecier.

Tempieratura pavietra minimalnaja nočču ad -12°S pa paŭnočnym uschodzie da + 1°S pa paŭdniovym zachadzie; maksimalnaja dniom ad —5°S pa poŭnačy da +5°S pa poŭdni.

U Minsku ŭ aŭtorak čakajecca praciahły mocny śnieh, mokry śnieh. Nočču i ranicaj zavirucha. Dniom nalipańnie mokraha śniehu, słaby hałalod. Na asobnych učastkach daroh hałalodzica. Viecier paŭdniova-ŭschodni ź pierachodam na zachodni 6—11 m/s, paryvy da 14 m/s. Tempieratura pavietra minimalnaja nočču -4 — -6°S, maksimalnaja dniom -1 — +1°S.

U sieradu, 13 studzienia, cykłon pojdzie na paŭnočny zachad Rasii, ale jaho ŭpłyŭ jašče zachavajecca, choć apadki buduć mienš intensiŭnymi. Čakajecca pieravaha vobłačnaah nadvorja. časam śnieh, pa poŭdni mokry śnieh. Miescami zavirucha, na darohach hałalodzica. Nočču i ranicaj u asobnych rajonach mocny paryvisty viecier. Tempieratura pavietra minimalnaja nočču ad 0°C pa poŭdni da -10°S pa poŭnačy, maksimalnaja dniom -1 -8°S, pa poŭdni krainy 0 — +2°S.

U Minsku ŭ sieradu prahnazujuć časam śnieh, nočču i ranicaj miescami zavirucha. Na asobnych učastkach daroh hałalodzica. Viecier zachodni 6—11 m/s, nočču i ranicaj paryvy da 15—17 m/s. Tempieratura pavietra ŭnačy kala -5, dniom -2 — -4.

U čaćvier, 14 studzienia, z rostam atmaśfiernaha cisku nadvorje palepšycca, ale z paŭnočna-zachodnimi viatrami na terytoryju Biełarusi pačnie pastupać bolš chałodnaje pavietra i tempieraturny fon pačnie panižacca. Na bolšaj častcy terytoryi projdzie karotkačasovy śnieh. Na asobnych učastkach daroh hałalodzica.

Tempieratura pavietra na praciahu sutak ad -1°S pa paŭdniovym uschodzie da -13°S pa paŭnočnym zachadzie krainy, nočču pa paŭnočnym zachadzie pry prajaśnieńniach pavietra astudzicca da -16°S.

Da vychodnych ustalujecca maroznaje nadvorje.

Tempieratura pavietra minimalnaja nočču -14 -21°S, pry prajaśnieńniach -22 — -25°S, maksimalnaja dniom -10 — -17°S; u paŭdniovych rajonach na praciahu sutak -7 — -13°S. Miescami projdzie karotkačasovy śnieh. Na asobnych učastkach daroh hałalodzica.

• 0
• 0
• 0
• 0
• 0
• 0
• 0
• 0