Z-za niepahadzi, vyklikanaj prachodžańniem cykłonu «Danieła», u Biełarusi byli abiastočanyja 80 nasielenych punktaŭ, paviedamiła ranicaj 12 studzienia MNS sa spasyłkaj na źviestki DVA «Biełenierha».
Na 6.00 zastavalisia biez elektrazabieśpiačeńnia 48 nasielenych punktaŭ u Bresckaj, Viciebskaj, Homielskaj i Minskaj abłaściach.
Pavodle źviestak Minskaha abłasnoha ŭpraŭleńnia MNS, u 53 nasielenych punktach rehijona zarehistravanaje adklučeńnie elektrazabieśpiačeńnia: u Lubanskim (4 n. p. i małočna-tavarnaja fierma), Słuckim (33 n. p., 7 MTF), Salihorskim (8 n. p., 2 MTF) i Staradarožskim (8 n. p.) rajonach. Na 6.00 zastavalisia biez elektrazabieśpiačeńnia 39 nasielenych punktaŭ u Lubanskim (1 n. p.), Słuckim (30 n. p., 5 MTF) i Staradarožskim (8 n. p.) rajonach.
Jak paviedamlaje Hidramiet, dniom 12 studzienia čakajucca praciahłyja mocnyja apadki (śnieh, mokry śnieh, pa poŭdni mokry śnieh z daždžom). U mnohich rajonach miacielica, nalipańnie mokraha śniehu. Miescami hałalod, na darohach hałalodzica. Pa poŭdni słaby tuman. Viecier paŭdniova-ŭschodni ź pierachodam na zachodni, paryvisty, pa ŭschodzie mocny paryvisty. Tempieratura pavietra ad minus 5 hradusaŭ pa poŭnačy da plus 5 pa poŭdni. U Minsku praciahłyja mocnyja apadki (śnieh, mokry śnieh), nalipańnie mokraha śniehu, słaby hałalod. Na asobnych učastkach daroh hałalodzica. Viecier paŭdniova-ŭschodni ź pierachodam na zachodni, paryvisty. Tempieratura pavietra ad minus 1 da plus 1 hradusa.
Ciapier čytajuć
Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyja9
Kamientary