U Minsku zavieršana budaŭnictva i ŭviedzieny ŭ ekspłuatacyju elitny žyły kompleks «Maestra», jaki budavali na płoščy Bahuševiča z vosieni 2019 hoda. Pra heta paviedamiŭ zabudoŭščyk TAA «Haściavy dom» u svaim telehram-kanale.
«Aficyjnaja častka administracyjnych pracedur zavieršana. Padpisana zaklučeńnie Dziaržbudnahladu, padpisany akt uvodu ŭ ekspłuatacyju», — paviedamiła kampanija.
Najbližejšymi dniami zabudoŭščyk źviažacca z usimi dolščykami, kab uzhadnić dalejšyja terminy i dziejańni dla rehistracyi prava ŭłasnaści na abjekty nieruchomaści.
U 2017 hodzie kampanija «Haściavy dom» atrymała placoŭku nasuprać teatra muzkamiedyi zamiest starych barakaŭ.
Terminy zdačy ŽK «Maestra» nieadnarazova pieranosilisia.
Prodaž kvater u ŽK pačynaŭsia prykładna z $2000 za kvadratny mietr, adnak da momantu zakančeńnia budaŭnictva košt kvadratnaha mietra dasiahnuŭ $3500—4000 u ekvivalencie.
Kamientary