Moładzievaha aktyvista AHP adličajuć z histaryčnaha fakultetu BDU. Ceły tydzień chłopiec nia moža atrymać dazvołu abaranić kursavuju rabotu. A siońnia paviedamili, što najbližejšymi dniami jaho adličać.
«Sprava ŭ tym, što jašče letam mianie vyklučyli z VNU za ŭdzieł u vybarach u Mienski haradzki saviet, za toje samaje z histfaku adličyli i siabru Partyi BNF Andrusia Ihnatoviča. Ja zmoh uznavicca na zavočnym adździaleńni, na 6-m kursie. Ciapier mnie admaŭlajucca zaličyć ispyt pa metadalohii historyi, jaki ja zdaŭ. Adnak potym vyśvietliłasia, što zdaŭ ja nie svajmu vykładčyku, i ispyt anulavali. Nie maja prablema, što VNU nia moža razabracca z svaimi ŭnutranymi pytańniami. Mnie ŭ dekanacie adkryta skazali, što rašeńnie ab maim vyklučeńni prymałasia navat nie na ŭzroŭni rektara, a našmat vyšej», — kaža M.Paškievič.
Faktyčna, dla atrymańnia dyplomu Paškieviču zastavałasia tolki abaranić kursavuju, a taksama zdać dziaržaŭnyja ispyty. Ale, mabyć, takoj mahčymaści ŭžo nie nadarycca. Jak ličyć chłopiec, vyklučeńnie źviazanaje z kryminalnaj spravaj za mitynh pradprymalnikaŭ 10 studzienia, udziele ŭ śviatkavańni Dnia Voli, a taksama tym, što jon staŭ adnym z zajaŭnikaŭ sioletniaha «Čarnobylskaha šlachu».
Michaił kaža, što prablem z vučobaj u jaho nikoli nie ŭźnikała da toj pary, pakul jon nie pačaŭ brać aktyŭny ŭdzieł u palityčnym žyćci.
«Prosta tak sastupać ja nie źbirajusia. Budu zmahacca za svaje pravy. Źbirajusia zaŭtra prakansultavacca ź jurystam AHP Siarhiejem Alfieram, paśla čaho ŭžo vypracuju kančatkovy plan dziejańnia. Viedaju tolki, što źjaždžać na navučańnie ŭ Polšču nia budu. Čarhovy raz uznaŭlacca ŭ BDU taksama nia maje sensu, kali ciapier da kanca vučoby zastajecca niekalki krokaŭ. Treba zmahacca za svajo ciapier», — padsumoŭvaje M.Paškievič.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary