Źbićcio Paŭła Dabravolskaha: BAŽ patrabuje zavieści kryminalnuju spravu
Praŭleńnie HA «BAŽ» 26 studzienia pryniało zajavu z nahody źbićcia karespandenta TUT.by Paŭła Dabravolskaha. Tekst zajavy z patrabavańniem vyśvietlić i pryciahnuć da adkaznaści asobaŭ, što źbivali žurnalista, nakirujuć u Śledčy kamitet.
Zajava HA «BAŽ» z nahody źbićcia žurnalista Paŭła Dabravolskaha
HA «Biełaruskaja asacyjacyja žurnalistaŭ» aburana źbićciom siabra našaj arhanizacyi, žurnalista Paŭła Dabravolskaha ŭ budynku suda padčas vykanańnia reparcioram prafiesijnych abaviazkaŭ. Takija dzikunskija dziejańni dyskredytujuć biełaruskija ŭłady. Patrabujem pravieści pravierku pa fakcie źbićcia žurnalista i pryciahnuć vinavatych da adkaznaści.
25 studzienia ŭ budynku suda Frunzienskaha rajona h. Minska supracoŭniki milicyi i siłavych struktur žorstka źbili vydalenych z zały suda hramadskich aktyvistaŭ i žurnalista partała TUT.by Paŭła Dabravolskaha, jaki fiksavaŭ incydent na videa.
Dziejańni pradstaŭnikoŭ siłavych struktur źjaŭlajucca hrubym parušeńniem pravoŭ žurnalista i padpadajuć pad dziejańnie art. 198 Kryminalnaha kodeksa RB («Stvareńnie pieraškodaŭ zakonnaj prafiesijnaj dziejnaści žurnalista»).
Źbićcio žurnalista słužbovymi asobami ŭ publičnym miescy, jakoje simvalizuje abličča biełaruskaha zakona, – skandalnaje i aburalnaje. Absurdnym źjaŭlajecca i toj fakt, što ŭ toj ža samy dzień u tym ža samym budynku suda Pavieł byŭ pryciahnuty da administracyjnaj adkaznaści i pakarany štrafam.
Skandalny vypadak dyskredytuje namahańni biełaruskaj dziaržavy, jakaja aficyjna padtrymlivaje mižnarodnyja pahadnieńni pa abaronie svabody słova i pravoŭ čałavieka.
HA «BAŽ» patrabuje vyśvietlić asobaŭ, jakija źbivali žurnalista, i raspačać u dačynieńni da ich kryminalnuju spravu.
Biełarusy sustrakajuć vyzvalenych palitviaźniaŭ u Vilni FOTY i VIDEA2
Kamientary