Šerah pravaabarončych arhanizacyj padpisali inicyjavany Kamitetam «Salidarnaść» zvarot u dziaržaŭnyja orhany z patrabavańniem admianić Dekret №29 ad 26 lipienia 1999 h. «Ab dadatkovych mierach pa ŭdaskanaleńni pracoŭnych adnosin, umacavańni pracoŭnaj i vykanalnickaj dyscypliny», admovicca ad dyskryminacyjnaj kantraktnaj sistemy najmu i nadalej rehulavać pryjom i zvalnieńnie z pracy normami Pracoŭnaha kodeksa Respubliki Biełaruś.
Pravaabaroncy taksama vystupili za razhlad u Kanstytucyjnym Sudzie Respubliki Biełaruś prapanovy ab praviercy kanstytucyjnaści nazvanaha narmatyŭnaha pravavoha aktu.
Daśledavańni pravaabaroncaŭ pakazali, što Dekret № 29 pastaviŭ rabočych i słužačych u stanovišča krajniaj zaležnaści ad pracadaŭcy, istotna paharšaje ich pravavoje stanovišča ŭ paraŭnańni z Pracoŭnym Kodeksam.
Kantraktnaja sistema pry takim šyrokim jaje prymianieńni stvaraje pole dla dyskryminacyi. Rašeńnie ab padaŭžeńni kantraktu zaležyć ad subjektyŭnych adnosinaŭ najmalnika da rabotnika, pradyktavanych mierkavańniami uzajemnych simpatyj-antypatyj, łajalnaści-niełajalnaści i t.p. Isny stan spraŭ daje šyrokija mahčymaści dla złoŭžyvańniaŭ słužbovym asobam pradpryjemstvaŭ i arhanizacyj, jakija atrymali ŭ svajo rasparadžeńnie ničym nie abmiežavany miechanizm dla advolnaha zvalnieńnia niepažadanych rabotnikaŭ.
Klučavaja vysnova, jakaja vynikaje z analizu praktyki zvalnieńniaŭ, zaklučajecca ŭ tym, što asnoŭnym represiŭnym miechanizmam, karystanym ŭładami dla cisku na inšadumcaŭ, vykładčykaŭ ustanoŭ adukacyi, členaŭ niezaležnych prafsajuzaŭ, aktyvistaŭ palityčnych partyj i hramadskich arhanizacyj, prosta rabočych i słužačych, źjaŭlajecca isnujučaja kantraktnaja sistema.
Zvarot za admienu dyskryminacyjnaj kantraktnaj sistemy, nakiravany ŭ Pałatu pradstaŭnikoŭ Nacyjanalnaha schodu, Saviet Respubliki Nacyjanalnaha schodu, Viarchoŭny sud i Saviet Ministraŭ Respubliki Biełaruś padpisali Ina Kulej (Kamitet «Salidarnaść»), Valancin Stefanovič (pazbaŭleny dziaržrehistracyi PC «Viasna»), Aleh Hułak (Biełaruski Chielsinski kamitet), Halina Skarachod (PAHA «Ruch «Za Svabodu»),Hienadź Fiadynič (Biełaruski prafsajuz rabotnikaŭ REP), Raisa Michajłoŭskaja (PU «Biełaruski dakumientacyjny centr»), Andrej Bastuniec (HA «Biełaruskaja asacyjacyja žurnalistaŭ»), Natalla Mańkoŭskaja (Biełaruski pravaabarončy centr «Identyčnaść»), Uładzimir Dunajeŭ (Hramadski Bałonski kamitet).
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?6
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary