Labiedźka zaklikaje ŭ subotu da Viarchoŭnaha suda na pikiet pratestu suprać źbićcia chłopcaŭ śpiecnazaŭcami

Lider Abjadnanaj hramadzianskaj partyi Anatol Labiedźka zaklikaje nieabyjakavych ludziej uziać udzieł u akcyi pratestu suprać hvałtu supracoŭnikaŭ milicyi nad hramadzianami.

Pavialičyć

Padstavaj dla hetaha stałasia źbićcio supracoŭnikami milicyi dvaich hramadzkich aktyvistaŭ i žurnalista ŭ sudzie Frunzienskaha rajonu Miensku padčas sudovaha pracesu ŭ spravie hrafici. Napiaredadni akcyi Anatol Labiedźka paviedamiŭ Svabodzie pra jaje matyvy i mety, a taksama pra toje, chto moža da jaje pryčynicca:

«Ja nie padzialaju mahčymych udzielnikaŭ: žurnalist, nie žurnalist. Hetaksama jak, da prykładu, być salidarnym ź indyvidualnymi pradprymalnikami — nia značyć być hetym indyvidualnym pradprymalnikam. Tut pryncyp taki, što — abo jość hramadzianskaja pazycyja, abo jaje niama. Tamu spadziajusia, što na pikiecie budu nie adzin, a kali tak, to pryjdu i budu čakać druhoha.

Hetym pikietam ja staŭlu na mecie dźvie zadačy: pa-pieršaje, pryciahnuć uvahu da prablemy. Hetaje zdareńnie sa źbićciom stałasia hramadzka-rezanansnym tamu, što byŭ źbity žurnalist — publičnaja asoba. A ŭ štodzionnym žyćci — heta praktyka, heta systema pracy ŭ siłavych strukturach. Jana zakranaje ahromnistuju kolkaść ludziej, i ja chaču pryciahnuć uvahu da hetaj prablemy. A pa-druhoje — treba supraćstajać hetaj praktycy i hetaj systemie. Ja i sam nieadnojčy traplaŭ u takija sytuacyi. Heta nie maja persanalnaja kryŭda, ale ja viedaju, što heta takoje i što pieražyvajuć ludzi, trapiŭšy ŭ takuju sytuacyju. Navat kali ty publičnaja persona i z taboj tak abychodziacca, to što adbyvajecca z prostymi, zvyčajnymi ludźmi, jakija traplajuć pad hety katok! Heta naahuł strašna.

Tamu prapanuju ŭsim, chto jašče nie pryzvyčaiŭsia, što heta narmalna — być bitym i prynižanym, vyjści ŭ subotu, 30 studzienia, u 11:00 da budynku Viarchoŭnaha Sudu. Moj pryncyp taki: skazaŭ — zrabiŭ».

Staršynia hramadzkaj arhanizacyi «Biełaruskaja asacyjacyja žurnalistaŭ» Andrej Bastuniec paviedamiŭ Svabodzie, što niezaležnaja žurnalisckaja arhanizacyja nie prymała rašeńnia adnosna ŭdziełu albo niaŭdziełu ŭ akcyi pratestu. Tym časam žurnalisty raspracavali admysłovyja zvaroty ŭ MUS i HUUS Mienharvykankamu, a taksama ŭ Viarchoŭny sud z patrabavańniami raśśledavać spravu źbićcia žurnalista i hramadzkich aktyvistaŭ i pryciahnuć vinavatych da adkaznaści. Kalehi źbitaha žurnalista taksama źbirajuć podpisy pad analahičnymi zajavami na adras Ministerstva infarmacyi i da hieneralnaha prakurora Biełarusi.

• 0
• 0
• 0
• 0
• 0
• 0
• 0
• 0