Zhurtavańnie biełarusaŭ u Stakholmie śviatkavała Kalady novaj pracaj teatralnaha hurtka – uryŭkami z «Pinskaj šlachty» Vincenta Dunina-Marcinkieviča.
Amal hod tamu teatralny hurtok «Biełarusaŭ Šviecyi» syhraŭ svoj samy pieršy śpiektakl. Tvorčyja aktyvisty supołki vyrašyli na hetym nie spyniacca i padrychtavali novuju pastanoŭku – vytrymki z «Pinskaj šlachty» Dunina-Marcinkieviča. Pjesa pakazvaje nam časy, kali paśla ŭvachodu biełaruskich ziamiel u skład Rasijskaj impieryi miascovuju (u pryvatnaści, paleskuju) šlachtu pačali masava pieravodzić u status sialan, i, kab paźbiehnuć hetaha, im treba było dakazać prynaležnaść da vysakarodnaha sasłoŭja. Tamu vielmi vostra ŭsprymalisia abrazy, kali ludzi nazyvali adzin adnaho «mužykami», to bok – nie majučymi prava naležać da šlachty. Hetym razam vyrašyli zasiarodzić uvahu na prazie čynoŭnikaŭ da nažyvy na prablemach prostych ludziej, navat kali heta vyhladaje, jak ščyraje spačuvańnie i dapamoha.
Siarod składu akcioraŭ byli jak tyja, chto hraŭ u minułaj pjesie, naprykład, Andrej Katlarčuk (šlachcič Cichan Pratasavicki), Siarhiej Androsienka (šlachcič Ivan Ciuchaj-Lipski), Halina Kraśnianskaja (skarbnik čynoŭnika Kručkova), tak i novyja asoby. Čynoŭnika Rasijskaj impieryi, jaki pryjechaŭ na razborki na Pinščynu, zhulaŭ Pavał Hałuška, a jaho dziasiackaha – Alaksiej Kulik. Zakachanych dziaciej šlachcičaŭ, šlub jakich apynuŭsia pad pahrozaj z-za svarki baćkoŭ, zhulali Iryna Azaranka i Dźmitryj Sialuk. Staroha šlachciča Charytona Kutorhu, jaki, uściešyŭšysia pasadam i hrašyma Cichona Pratasavickaha, zalacaŭsia da jaho dački-padletki, zhulaŭ staršynia supołki «Biełarusaŭ Šviecyi» Aleks Mielnikaŭ.
Paśla teatra zhurtavańnie ładziła, choć i sa spaźnieńniem, tradycyjnyja Kalady dla dziaciej: Čaraŭnik i Śniehavik bavili hulniami, Dzied Maroz i Śniahurka — padarunkami, a zaprošanyja hości — pryhožymi tancami. Pryjemna, što ŭ hety raz «Biełarusy Šviecyi» abjadnali na pryhožym zimovym śviacie nie tolki biełarusaŭ — siarod naviednikaŭ byli i našyja siabry z ukrainskaj i ruskaj supołak.
Ciapier čytajuć
Krynicy: Usava i Kraŭcova vykraślili polskija śpiecsłužby. Ź Dzikavickim inšaja situacyja20
Kamientary