Siamikłaśnik z Astraŭca vyratavaŭ vučnia małodšych kłasaŭ, jaki pravaliŭsia pad lod
Adna ź piatnic studzienia ŭ Astraŭcy (Hrodzienskaja vobłaść) ledź nie stała fatalnaj dla vučnia małodšych kłasaŭ — z pałonki chłopčyku dapamoh vybracca siamikłaśnik Januš Čubiek.
Zima ŭziała pieradyšku — na źmienu marazam i śniehu pryjšła adliha. Aśmialełyja rybaki, dzieci i darosłyja, jakija pryvykli skaračać šlach cieraz zamierzłaje vadaschovišča, pavinny terminova pamianiać maršrut i zvyčki, kab nie stać achviarami padmanlivaha lodu.
Paśla školnych zaniatkaŭ troje śmielčakoŭ vyrašyli prahulacca pa zamiorzłym vadaschoviščy, prachod pa jakim zdavaŭsia biaśpiečnym. Hulajučy pad dambaj vadaschovišča i skačučy pa lodzie, adzin ź dziaciej pravaliŭsia pad vadu.
Nieviadoma, čym by ŭsio skončyłasia, kali b u hety čas mima nie prachodziŭ vučań 7 «A» kłasa siaredniaj škoły №1 Astraŭca Januš Čubiek.
Chłopiec nie razhubiŭsia i kinuŭsia na dapamohu: chłopcy ŭtvaryli łancužok i, utrymlivajučy adzin adnaho za nohi, vyciahnuli chłopčyka.
Raspytaŭšy paciarpiełaha ab samaadčuvańni, siamikłaśnik paraiŭ jamu chutčej adpravicca dadomu, pieraapranucca i vypić ciopłaha čaju.
— Januš nie chacieŭ vydavać infarmacyju ab svaim hieraičnym učynku, — dzielicca uražańniem staršynia rajonnaj arhanizacyi Tavarystva ratavańnia na vodach Aksana Kardaš. — A jon ža vyratavaŭ čałavieku žyćcio! Chočacca jašče raz vykazać jamu vielizarnuju padziaku, a taksama baćkam i piedahoham škoły, jakija vychoŭvajuć hodnych ludziej, nieabyjakavych da čužoj biady.
Juny ratavalnik sapraŭdy apynuŭsia ścipłym i pra svoj učynak raspaviadaŭ nieachvotna.
— Ja prosta išoŭ dadomu i ŭbačyŭ, što zdaryłasia biada, — uspaminaje padziei taho dnia Januš. — Z darosłych nikoha pablizu nie akazałasia, i ja zrabiŭ toje, čamu nas vučyli ŭ škole, — akazaŭ dapamohu čałavieku, jaki trapiŭ u biadu. Dy i chiba možna było pastupić pa-inšamu? Pa-mojmu, kožny zrabiŭ by taho ž, tamu niama tut ničoha hieraičnaha.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary