Staršynia pravaj partyi jeŭraskieptykaŭ «Alternatyva dla Hiermanii» (AfD) Fraukie Pietry zajaviła, što hiermanskaja palicyja ŭ vypadku nieabchodnaści pavinna adkryvać ahoń pa mihrantach, jakija sprabujuć nielehalna praniknuć u krainu.
U intervju haziecie Mannheimer Morgen Pietry padkreśliła, što palicyja pavinna spynić patok mihrantaŭ, jakija sprabujuć praniknuć u Niamieččynu z Aŭstryi, i prymianieńnie zbroi ŭ krajnich vypadkach — heta patrabavańnie zakona. «Ja nie chaču, kab tak adbyvałasia, ale prymianieńnie zbroi — heta krajniaja miera», - skazała jana.
Hetyja słovy Pietry vyklikali asudžeńnie z boku hiermanskich palitykaŭ levaha tołku, a taksama pradstaŭnikoŭ palicyi.
Pa aficyjnych dadzienych, za minuły hod u Niamieččynu prybyło bolš jak 1,1 młn mihrantaŭ — u asnoŭnym z krain Blizkaha Uschodu i paŭnočnaj Afryki.
Kancler Niamieččyny Anhieła Mierkiel u subotu zajaviła, što bolšaść biežancaŭ ź Siryi i Iraka buduć adpraŭlenyja dadomu, kali ŭ ich krainach spyniacca uzbrojenyja kanflikty.
«Radykalnyja idei»
Palicyja pavinna spynić mihrantaŭ, jakija niezakonna pierasiakajuć aŭstryjskuju miažu, i «pry nieabchodnaści» adkryvać ahoń, skazała Pietry ŭ intervju. «Hetaha patrabuje zakon», — dadała palityk.
Viadomy hiermanski levacentryscki palityk, člen Sacyjał-demakratyčnaj partyi Tomas Opierman u adkaz zajaviŭ, što «apošnim hiermanskim lidaram, pry jakim pa mihrantach adkryvali ahoń, byŭ Erych Chonekier».
Lidara HDR Eryka Chonekiera mnohija ličać adkaznym za hibiel ludziej, jakija sprabavali pierasiekčy Bierlinskuju ścianu.
Hiermanski Prafsajuz palicyi vystupiŭ z zajavaj, u jakim havorycca, što palicyjanty nie buduć stralać pa ludziach.
U im havorycca, što takija vykazvańni źjaŭlajucca vyrazam «radykalnych i antyhumannych idej».
Ciapier čytajuć
Daškievič raskazaŭ, jak trapiŭ za kratami ŭ nizki status i napisaŭ prašeńnie ab pamiłavańni3
Kamientary