Namieśnica ministra ekanamičnaha raźvićcia i handlu Ukrainy — handlovaja pradstaŭnica Ukrainy Natalla Mikolskaja pryniała rašeńnie padać u adstaŭku śledam za ministram Ajvarasam Abramavičusam.
Pra heta jana napisała na svajoj staroncy ŭ sacyjalnaj sietcy Facebook.
«Siońnia ja pryniała vielmi składanaje i važnaje rašeńnie razam ź ministram syści z pasady handlovaj pradstaŭnicy Ukrainy, — napisała Mikolskaja. — My pryjšli mianiać hetuju krainu. Nam mnohaje ŭdałosia, ale jašče bolš napieradzie. Majoj asnoŭnaj zadačaj było stać advakatkaj biznesu — ukrainskich eksparcioraŭ. I my vykonvali jaje razam, usioj kamandaj Ministerstva. Ministr — adzin z najlepšych mieniedžaraŭ, ź jakim ja pracavała, i čałaviek z vysokimi maralnymi kaštoŭnaściami».
Mikolskaja padziakavała pradstaŭnikam biznesu, jakija «pavieryli» ŭ kamandu, i ŭsim supracoŭnikam. «Ja pavinna i zaviaršu ŭsie pryjarytetnyja prajekty. Hetaja situacyja nie pieraškodzić našamu supraćdziejańniu ahresii Rasijskaj Fiederacyi. My pieramožam!» — napisała Mikolskaja.
Raniej ministr ekanamičnaha raźvićcia i handlu Ukrainy Ajvaras Abramavičus pryniaŭ rašeńnie padać u adstaŭku i zaklikaŭ parłamient prahałasavać pa hetym pytańni ŭžo zaŭtra, 4 lutaha. Ministr padkreśliŭ, što klučavoj pryčynaj jaho sychodu z pasady ministra staŭ kanflikt z namieśnikam kiraŭnika frakcyi «Błoka Piatra Parašenki» Iharam Kananienkam.
Natalla Mikolskaja była pryznačanaja na pasadu handlovaha pradstaŭnika Ukrainy viasnoj 2015 hoda.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak6
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary