BT padało chłopcaŭ sa «spravy hraficistaŭ» narkamanami, što pracujuć za valutu
U pieradačy «Hałoŭny efir» vyjšaŭ siužet pra ŭdzielnikaŭ «spravy hraficistaŭ». U roliku chłopcy paŭstajuć narkamanami, jakija malujuć svaje hrafici i ładziać akcyi za nieviadoma kim nakiravanyja bujnyja sumy ŭ amierykanskaj valucie.
Pryčym u videa vykarystany aŭdyjozapis apieratyŭnaj prasłuški telefonaŭ.
«Tak, u videa fihurujuć kavałki z našych telefonnych razmoŭ. Ale jany vidavočna pieramantavanyja, naprykład, hutarka pra špryc. Tym bolš, dalej paviedamlajecca, što heta žart, ale, samo saboj, heta vyrazana, — prakamientavaŭ adzin z hraficistaŭ Vadzim Žaromski. — Nasamreč, špryc byŭ patrebien nam, kab napaŭniać farbaj lampački».
Hrošy ž, jakija ŭzhadvajuć u siužecie, naležać byłoj dziaŭčynie inšaha hraficista, Maksima Piakarskaha. Na momant jaho zatrymańnia jana žyła ź im razam. Darečy, kala 2 miesiacaŭ tamu ŭsiu sumu dziaŭčynie milicyja viarnuła.
Nahadajem, 11 žniŭnia 2015 hoda piaciora chłopcaŭ byli zatrymanyja pavodle padazreńnia va ŭdziele ŭ naniasieńni hrafici «Biełaruś maje być biełaruskaj» i «Revalucyja śviadomaści, jana ŭžo idzie…», a taksama zalapvańnie farbaj sacyjalnaha bihborda z vyjavaj supracoŭnikaŭ milicyi.
A 29 studzienia ŭ sudzie Frunzienskaha rajona byŭ vyniesieny prysud — chłopcy atrymali štrafy ad 30 da 50 bazavych vieličyń.
Ciapier hraficisty płanujuć padać u sud na žurnalistaŭ i stvaralnikaŭ pieradačy «Hałoŭny efir».
Ciapier čytajuć
Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyi14
Kamientary