Ministerstva finansaŭ Rasii padało pazoŭ da Ukrainy ŭ Vysoki sud Łondana, abvinavaciŭšy Kijeŭ u niavypłacie kredytu ŭ 3 młrd dalaraŭ, paviedamiŭ rasijski ministr finansaŭ Anton Siłuanaŭ.
Havorka idzie pra doŭh pa vypuščanych u kancy 2013 hoda ukrainskich jeŭraablihacyjach na 3 młrd dalaraŭ, jakija byli vykuplenyja Rasijaj.
Siłuanaŭ skazaŭ, što Kijeŭ pavinien byŭ pahasić doŭh 21 śniežnia 2015 hoda, a 31 śniežnia skončyŭsia lhotny pieryjad dla ŭrehulavańnia sprečki.
Ukraina akazałasia nie hatovaja vieści pieramovy pa ŭrehulavańni doŭhu ŭ duchu «dobraj voli», zajaviŭ rasijski ministr.
Siłuanaŭ ličyć, što sudovy praces u Łondanie budzie adkrytym i prazrystym.
«Liču, sudovy praces u Anhlijskim sudzie budzie adkrytym i prazrystym, i abarona pravoŭ Rasijskaj Fiederacyi jak kredytora budzie ažyćciaŭlacca niezaležnym, aŭtarytetnym sudom, jaki biesstaronna razhledzić sprečku pamiž dvuma suvierenami, jakaja tyčycca nievykanańnia daŭhavych abaviazacielstvaŭ pa jeŭraablihacyjach», — adznačyŭ jon.
17 śniežnia rada dyrektaraŭ Mižnarodnaha valutnaha fondu pryznała aficyjny status doŭhu Ukrainy pierad Rasijaj pa jeŭrabondach.
Na nastupny dzień premjer-ministr Ukrainy Arsienij Jacaniuk zajaviŭ ab uviadzieńni maratoryja na vypłatu doŭhu pierad Rasijaj, paśla čaho ministr finansaŭ Rasii Anton Siłuanaŭ paviedamiŭ, što Maskva abskardzić niavypłatu doŭhu ŭ sudzie, kali jon nie budzie zhašany da 31 śniežnia.
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA2
Kamientary