Łukašenka trenieru Miranoviču: Budziecie hulać, jak chakieisty, — vyžyviem z krainy
Hałoŭny trenier handbolnaha kłuba SKA Spartak Miranovič staŭ abjektam krytyki Alaksandra Łukašenki. Biełaruski kiraŭnik paličyŭ, što na niadaŭnim matčy suprać šviejcarskaha «Vintertura» minskaja kamanda mahła vyjhrać z bujniejšym likam. Takuju zajavu Łukašenka zrabiŭ 18 lutaha padčas adkryćcia spartkompleksu «SKA-Uručča».
Kiraŭnik krainy miarkuje, što lik 31:27 na karyść minčan byŭ niedastatkova dobrym. «7 mahli vyjhrać, 6. Ja hladzieŭ hulniu. Potym pravalilisia, potym hieraična pieraadolvali ŭsio heta», — skazaŭ Łukašenka.
«Ty nie ŭjaŭlaješ, jak my źbirali hrošy apošni hod-dva na toje, kab dabudavać pałac. Ja asabista saškrabaŭ hrošy, ad lekaŭ zabiraŭ. Kali budziecie hulać, jak hulajuć chakieisty, my vas prosta z krainy vyžyviem. Hulcy pavinny čuć. Vy nie ŭjaŭlajecie, jakoj pracy heta kaštavała», — skazaŭ Łukašenka.
Kamientary