MTS pavyšaje taryfy na roŭminh u niekatorych krainach z 1 sakavika
Biełaruski apieratar MTS z 1 sakavika pavysić taryfy na roŭminh u niekatorych krainach, paviedamlajecca na sajcie apieratara.
«MTS źviartaje ŭvahu na budučyja źmieny ŭ košcie pasłuh suviazi ŭ roŭminhu pa šerahu mienš papularnych siarod svaich abanientaŭ kirunkaŭ», — havorycca ŭ paviedamleńni. Novyja ŭmovy buduć aktualnyja z 1 sakavika.
Ź infarmacyi na sajcie vidać, što vyrastuć ceny na roŭminh u Rasii — naprykład, zvanok u Biełaruś ź sietki Ekaterinburg-2000 LLC padaražeje z 27 300 rubloŭ za chvilinu da 32 760, ź sietki MegaFon — z Br27 300 da Br40 950.
Košt zvanka ŭ Biełaruś z ukrainskaj sietki Astelit LLC padymiecca z 55 220 za chvilinu da 66 264, ź italjanskaj sietki H3G SpA — z 14 100 da 16 920, z češskich sietak Vodafone Czech Republic, Telefonica O2 Czech Republic, T-Mobile Czech Republic as — z 20 400 da 21 166.
Zvanok ź sietki Turkcell (Turcyja) u Biełaruś padaražeje z 38 930 da 58 395, z WIND HELLAS Telecommunications S.A. (Hrecyja) — z 29 280 da 35 136 z Orange Slovensko, as (Słavienija) — z 30 040 da 36 048, z Hi3G Access AB (Šviecyja) — z 28 370 da 34 044. Poŭny pieralik krain i apierataraŭ, jakich tyčycca pavyšeńnie taryfaŭ, pryvodzicca na sajcie MTS.
Adnačasova z pavyšeńniem z 1 sakavika taryfaŭ na roŭminh u niekatorych krainach biełaruski MTS paviedamlaje ab płanach z 1 krasavika źnizić dla svaich abanientaŭ ceny na pasłuhi suviazi ŭ roŭminhu na terytoryi krain — udzielnic Jeŭrazijskaha ekanamičnaha sajuza. Pry hetym nie ŭdakładniajecca, na zvanki ź jakich sietak u Biełaruś i na jakuju sumu jany mohuć źnizicca.
Pavodle dadzienych apieratara, krainy JEAES — samyja zapatrabavanyja kirunki siarod abanientaŭ biełaruskaha MTS, jakija rehularna karystajucca roŭminham za miažoj. Na Rasiju, Kazachstan, Armieniju i Kyrhyzstan prypadaje amal 70% vychodnych vyklikaŭ pa krainie znachodžańnia, a taksama kala 50% usich uvachodnych vyklikaŭ i internet-trafiku ŭ roŭminhu.
-
Kitajskaja kampanija prezientavała pieršaha poŭnapamiernaha robata-humanoida, jaki adčuvaje dotyk i biehaje marafony
-
Kampanija OpenAI pryniała rašeńnie kančatkova adklučyć svaju papularnuju madel štučnaha intelektu ChatGPT-4o
-
Kaniec epochi całkam biaspłatnaha ŠI? U ChatGPT źjaŭlajecca rekłama, i voś jak jana budzie vyhladać
Kamientary