Stvaralnik anłajn-hulni World of Tanks Viktar Kisły papoŭniŭ śpis miljarderaŭ, piša Bloomberg. Zasnavalnik hulni kamientavać padliki ahienctva admoviŭsia, zapeŭniŭšy, što viadzie ścipły ład žyćcia.
Majomaść 39-hadovaha Viktara Kisłaha, zasnavalnika hulni World of Tanks, pieravysiła $1 młrd, piša Bloomberg sa spasyłkaj na ŭłasny indeks miljarderaŭ (Bloomberg Billionaires Index). Ahulny košt kampanii Wargaming, pa acency ahienctva, składaje kala $1,5 młrd.
Sam Kisły padliki składalnikaŭ Bloomberg Billionaires Index kamientavać admoviŭsia, zapeŭniŭšy, što nikoli nie sprabavaŭ ličyć ułasnyja hrošy, a ład žyćcia viadzie «vielmi ścipły». U razmovie z karespandentam Bloomberg zasnavalnik kampanii, u hulniavych prajektach jakoj zarehistravana bolš za 100 młn čałaviek, zapeŭniŭ, što Wargaming nie maje namieru spyniacca na dasiahnutym.
«My pavinny stvaryć kanviejer pa vytvorčaści jakasnych hulniaŭ. Naša kampanija maje namier asvojvać usio vialikija rynki. Kali źjavicca miljard mikrachvalevak z džojścikami, na jakich možna budzie hulać u hulni, my stvorym prahramy i dla ich», — adznačyŭ Kisły.
Pavodle acenak Bloomberg, ahulny dachod Wargaming ŭ 2015 hodzie skłaŭ kala $590 młn.
Čytajcie taksama: Piać faktaŭ pra samaha paśpiachovaha biznesoŭca Biełarusi Viktara Kisłaha
Ciapier čytajuć
«Samaha pryvabnaha sadžaješ napierad, i ŭsio biez paleva». Jak i za kolki pieravoziać u Jeŭropu nielehalnych mihrantaŭ ź biełaruskaj miažy4
«Samaha pryvabnaha sadžaješ napierad, i ŭsio biez paleva». Jak i za kolki pieravoziać u Jeŭropu nielehalnych mihrantaŭ ź biełaruskaj miažy
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1212
Kamientary