Urad «znajšoŭ ałharytm, jaki dazvolić źnizić košt pasłuh ŽKH»
Rabočaja hrupa, jakuju ŭznačalvaje namieśnik premjer-ministra Biełarusi Anatol Kalinin, raspracavała ałharytm, jaki dazvolić źnizić taryfy na žyllova-kamunalnyja pasłuhi.
«My ciapier znajšli ałharytm, jaki dazvolić źnizić finansavuju nahruzku praz taryfy ŭ śfiery žyllova-kamunalnaj haspadarki. Adpracavany dakumient i ŭniesieny ŭ Administracyju prezidenta. U tym liku pastaŭlena zadača ŭnieści ŭkaz pa bieznajaŭnych subsidyjach. My jaho płanujem u sakaviku adšlifavać i ŭnieści. Heta dazvolić abaraniać nasielnictva ź nizkim uzroŭniem dachodaŭ biudžetu siamji», — raspavioŭ Kalinin u prahramie STB «24 hadziny».
Śpiecyjalnaja rabočaja hrupa była stvorana pa daručeńni Łukašenki. U jaje ŭvajšli pradstaŭniki Kamiteta dziaržkantrolu, ŭrada, Administracyi prezidenta.
Jaje metaj było praanalizavać i pieraličyć žyllova-kamunalnyja taryfy ŭ adpaviednaści z realnymi vydatkami.
Taryfy na šmatlikija pasłuhi ŽKH, nahadajem, byli pavialičany ŭ studzieni — žyroŭki vyraśli na 40-70% u zaležnaści ad płoščy kvatery i kolkaści prapisanych u joj čałaviek.
***
22 lutaha, zasłuchoŭvajučy dakład ab padatkovaj i akcyznaj palitycy, Alaksandr Łukašenka aburyŭsia značna padskočyŭšym koštam pasłuh kamunalnikaŭ. Kiraŭnik krainy daručyŭ, kab da 1 sakavika staršynia KDK, kiraŭnik Administracyi prezidenta, premjer-ministr pradastavili jamu raźliki taryfaŭ žyllova-kamunalnyja pasłuhi. «Vyvaz śmiećcia, aśviatleńnie, lift, uborka, ciepłavaja enierhija, ciopłaja i chałodnaja vada, haz, elektraenierhija - usio padličyć i pakłaści mnie hetyja taryfy», — skazaŭ tady kiraŭnik dziaržavy. Jon padkreśliŭ, što słužbovyja asoby, jakija nie spraviacca z dadzienymi siońnia daručeńniami, paniasuć za heta adkaznaść.
Jašče raz temu «kamunałki» kiraŭnik dziaržavy zakranuŭ 23 lutaha. Pavodle jaho słoŭ, biełarusy pakryvajuć 80% apłaty žyllova-kamunalnych pasłuh. Jon taksama ličyć, što čynoŭniki zajmajucca prypiskami, kab skraści hrošy ź biudžetu lehalnym šlacham. «A ŭ nas artykuł za heta, za heta treba sadžać», - padkreśliŭ Alaksandr Łukašenka i dadaŭ, što ŭ Biełarusi ŭ hetaj śfiery naviaduć paradak.
Užo 24 lutaha Kamitet dziaržkantrolu paviedamiŭ, što ŭstanaviŭ fakty zavyšeńnia koštu akazanych žyllova-kamunalnych pasłuh. Raspačata 13 kryminalnych spraŭ u dačynieńni da słužbovych asob pradpryjemstvaŭ sistemy ŽKH u kožnaj z abłaściej i ŭ Minsku.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary