Mama Andrejki Siemilita, jaki rabiŭ u špitali śniehavičkoŭ: «U nas 100% remisija! Jak ja vam usim udziačnaja!»
«Vielmi šmat chočacca napisać, chočacca kryčać ad radaści kab čuŭ ŭvieś śviet, — napisała Alona Siemilit u fejsbuk. — Ja nie stamlusia paŭtarać, jak ja VAM USIM UDZIAČNAJA!!!!!!!!!!!!»
Maleńki ŭkrainski chłopčyk Andrejka Siemilit znachodzicca ŭ Biełarusi, jon prachodzić chimijaterapiju ŭ Homieli, ŭ stacyjanary. Dla zamiežnikaŭ lačeńnie ŭ Biełarusi płatnaje. Rodnyja Andrejki źbirajuć hrošy siarod ziemlakoŭ u Čarkasach. Vałanciory dapamahajuć im u Biełarusi.
Kab sabrać patrebnyja 35 tysiač dalaraŭ, chłopčyk ŭłasnaručna šyŭ navahodnich śniehavikoŭ. Cana vyrabu — 120 hryŭniaŭ, abo 5 dalaraŭ, abo 90 tysiač biełaruskich rubloŭ.
Čytajcie taksama: Za čatyry dni 4-hadovamu chłopčyku sabrali hrošy na lačeńnie i zamovili 6 tys. cacak
Pa słovach mamy Andreja, u minuły čaćvier była zroblenaja apošniaja punkcyja, jakaja była vyrašalnaj. Napieradzie šmat jašče dzion chimijaterapii dla padtrymańnia vynikaŭ, analizaŭ i amal jašče dziasiatak punkcyj.
«U nas 100% remisija!!!!! Ciapier ja razumieju, što hetyja 10 miesiacaŭ chvalavańniaŭ, viery, śloz, u pastajannaj vajnie za žyćcio majho zołatka projdzienyja i dali vielmi dobryja vyniki! Ja ŭdziačnaja za kožnaje paviedamleńnie, list, kamientar, repost, viadoma za kožnuju kapiejčynu. Dziakujučy Vam, my zmahli šmat!», — napisała Alena.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie25
Kamientary