Minsk atrymaŭ uznaharody ŭ dźviuch naminacyjach časopisa fDi Magazine — śpiecyjalizavanaha vydańnia brytanskaj haziety Financial Times. Cyrymonija ŭručeńnia ŭznaharod haradam, jakija zaniali lidzirujučyja pazicyi ŭ rejtynhach vydańnia, prajšła siońnia ŭ Kanach (Francyja) na 27-j Mižnarodnaj prafiesijnaj vystavie kamiercyjnaj nieruchomaści MIPIM, paviedamili ŭ pasolstvie Biełarusi ŭ Francyi.
Sioleta ŭ dźviuch naminacyjach: «Top-20 bujnych jeŭrapiejskich haradoŭ pa efiektyŭnaści vydatkaŭ na viadzieńnie biznesu» i «Top-10 bujnych haradoŭ pa najlepšaj stratehii pryciahnieńnia pramych zamiežnych inviestycyj» — uznaharodami byŭ adznačany Minsk. Na cyrymonii ŭ Kanach ich atrymaŭ staršynia Minharvykankama Andrej Šorac. Uručała ŭznaharody hałoŭny redaktar časopisa fDi Magazine Kortni Finhar.
Sioleta ŭdzieł u konkursie pryniali 223 harady. Pry składańni rejtynhu ŭličvalisia 96 niezaležnych pakazčykaŭ. Padliki pravodzilisia zhodna z analizam i acenkami viadučych ekśpiertaŭ vydańnia fDi Magazine i ŭklučali ekanamičny patencyjał, čałaviečyja resursy, uzrovień vydatkaŭ na viadzieńnie biznesu, uzrovień žyćcia, jakaść infrastruktury, lohkaść viadzieńnia biznesu, stratehiju pryciahnieńnia pramych zamiežnych inviestycyj. Vyznačaŭsia najlepšy horad u ahulnym rejtynhu usich haradoŭ, taksama kožny horad udzielničaŭ u svajoj katehoryi (pa kolkaści nasielnictva): bujnyja, siarednija, małyja, mikraharady. Naroŭni ź biełaruskaj stalicaj ŭ 2016 hodzie ŭznaharody atrymali Łondan, Maskva, Lisabon, Kijeŭ, Vilnia, Kioln, Dziusieldorf, Zahrab, Lublana i inšyja.
MIPIM tradycyjna źbiraje najbolš upłyvovych hulcoŭ roznych siektaraŭ mižnarodnaha rynku nieruchomaści: ofisy, žyllo, handal, miedycyna, sport, łahistyka i pramysłovaść. Vystava prapanuje ŭdzielnikam unikalny dostup da vialikaj kolkaści budaŭničych prajektaŭ i krynic finansavańnia ŭ asobie inviestycyjnych kampanij ź viadučych krain. Akramia taho, u chodzie forumu prachodziać prezientacyi staličnych haradoŭ i bujnych ahłamieracyj, jakija ažyćciaŭlajucca ich merami. U 2016 hodzie na vystavie pradstaŭlenyja kala 2700 kampanij z amal 90 dziaržaŭ.
Kamientary