Siryjskija kurdy abviaścili ab stvareńni fiederatyŭnaha rehijonu na poŭnačy Siryi, paviedamlaje RIAN sa spasyłkaj na AR.
Napiaredadni stała viadoma pra płany kurdaŭ abviaścić na poŭnačy Siryi «fiederacyju», jakaja pry hetym zastaniecca ŭ składzie krainy. Miarkujecca, što «fiederacyja» abjadnaje razroźnienyja nacyjanalnyja supołki, a taksama ich apałčeńni dla supraćstajańnia isłamistam ID, Džabchat an-Nusry i inšych arhanizacyj.
U siryjskim horadzie Rumiejła (pravincyja Chasekie) sabralisia kala 200 delehataŭ z usioj poŭnačy Siryi — jany pradstaŭlajuć siryjski Kurdystan, a taksama arabskija, asiryjskija, čačenskija, čarkieskija, turkmienskija i armianskija supolnaści, harady Alepa, Al-Šanbie i inšyja. Schod prachodzić pad łozunham «Fiederalnaja Siryja — heta harantyja ahulnaha žyćcia i braterstva narodaŭ».
Raniej kiraŭnik pradstaŭnictva siryjskaha Kurdystana ŭ Maskvie Rodzi Asman zajaviŭ, što rašeńnie ab fiederalizacyi stała svajho rodu adkazam na toje, što kurdy nie byli zaprošanyja da ŭdziełu ŭ miežsiryjskich pieramovach, jakija ciapier iduć u Ženievie.
Kamientary