Dziaržaŭnaje pradpryjemstva «Minsktrans» u krasaviku zakupić pieršuju partyju srodkaŭ aŭdyja- i videafiksacyi dla kantraloraŭ hramadskaha transpartu, paviedamiŭ hienieralny dyrektar pradpryjemstva Lavoncij Papianok.
«Ciapier idzie praces zakupki pryład. Termin pastaŭki — 10 krasavika. U hetym ža miesiacy płanujecca i aprabavać videarehistratary», — skazaŭ Lavoncij Papianok.
DP «Minsktrans» nabudzie ŭ rasijskaha vytvorcy 28 kamplektaŭ zapisvajučych pryład. Videarehistratary zafiksujuć na formiennaj kamizelcy kantraloraŭ. Zapis na kamiery budzie zachoŭvacca da 30 sutak. Heta dapamoža vyrašyć šmat sprečnych pytańniaŭ, jakija niaźmienna ŭźnikajuć pamiž pasažyrami i kantralorami.
Rabota praviarajučych apłatu prajezdu ŭ naziemnym transparcie stalicy kantralujecca. Z dapamohaj terminała, da jakoha pasažyry prykładvajuć prajaznyja pry praviercy apłaty, fiksujecca čas prychodu kantralora na rabotu. Taksama z dapamohaj pryłady možna prasačyć šlach supracoŭnika: u jaki aŭtobus, tralejbus, tramvaj i kali jon zachodziŭ, kolki času tam pravioŭ. Jak i kiroŭcy, kantralory pierad pačatkam źmieny abaviazkova prachodziać miedycynski ahlad.
U štacie «Minsktransa» pracujuć amal 180 kantraloraŭ, pry nieabchodnaści dadatkova pryciahvajucca inšyja supracoŭniki pradpryjemstva.
-
Što rabić baćkam, kali ich dzicia ckujuć u škole, kab bulinh nie skončyŭsia trahiedyjaj? Tłumačyć psichołah
-
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
-
Zołatava raskazała pra palitźniavolenuju Volhu Čukaravu ź insultam, što aślepła ŭ kałonii. Joj kazali: «Vy prydurvajeciesia?»
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary