U Dzień Voli Minabarony Biełarusi praviało kanfierencyju pa ideałohii ŭ armii
U dzień abviaščeńnia niezaležnaści Biełaruskaj Narodnaj Respubliki ŭ Vajennaj akademii Respubliki Biełaruś adbyłasia navukova-praktyčnaja kanfierencyja orhanaŭ ideałahičnaj pracy Uzbrojenych sił.
Pra heta paviedamiŭ aficyjny sajt Minabarony.
U kanfierencyi brali ŭdzieł aficery-ideołahi, vykładčyki i słuchačy Vajennaj akademii i vajskovaha fakulteta BDU.
«Udzielniki kanfierencyi razhladzieli aktualnyja prablemy teoryi i praktyki ideałahičnaj pracy ŭ Uzbrojenych Siłach», — havorycca ŭ paviedamleńni.
«Hibrydnaja vajna» Rasii suprać Ukrainy i pierachod vialikaj častki ŭkrainskich vajskoŭcaŭ u Krymie na bok Maskvy zrabili bolš aktualnymi pytańni nacyjanalnaha vychavańnia ŭ biełaruskaj armii, nieadnarazova adznačali biełaruskija vajskovyja analityki.
Nakolki viadoma, materyjały kanfierencyi nie źjaŭlajucca sakretnymi. Možna spadziavacca, što ŭ bližejšy čas źjavicca bolš padrabiaznaja infarmacyja pra źmiest dakładaŭ i ahučanyja na mierapryjemstvie idei adnosna idejna-patryjatyčnaha vychavańnia biełaruskaj armii.
Kamientary