Reuters: Partnior Ratenbierha pieradaŭ darahuju nieruchomaść Kaciarynie Cichanavaj i svajačkam Kabajevaj

Biznesmien Ryhor Bajeŭski, jaki źjaŭlajecca partnioram Arkadzia Ratenbierha, pradaŭ darahuju nieruchomaść trom žančynam, u lik jakich uvachodziać Kaciaryna Cichanava, jakuju ŚMI nazyvajuć dačkoj prezidenta RF Uładzimira Pucina, i svajačkam deputata Dziarždumy Aliny Kabajevaj.

Pavialičyć

Paviedamleńnie pra dziejańni Bajeŭskaha apublikavała ahienctva Reuters. U artykule žurnalisty pakazvajuć, što infarmacyja ab pieradadzienaj nieruchomaści majecca ŭ adkrytym dostupie. Z hetych dakumientaŭ, u pryvatnaści, vynikaje, što Cichanava pry rehistracyi adnoj kampanii paznačała adras kvatery, jakaja naležyć Bajeŭskamu. U Kramli ŭžo nazvali materyjał Reuters «adnym ź infarmacyjnych ukidaŭ», pra jakija Kreml viedaŭ zahadzia.

Pavodle infarmacyi ahienctva, u 2013 hodzie Bajeŭski pieradaŭ prava ŭłasnaści na dom i ŭčastak ziamli va Uśpienskim Maskoŭskaj vobłaści Hańnie Zacapilinaj, jakaja prychodzicca babulaj deputatu Kabajevaj. 81-hadovaja žančyna, jakaja, jak zapeŭnivajuć žurnalisty, niadaŭna stała ŭładalnicaj elitnaj nieruchomaści, ad kamientaroŭ admoviłasia.

Jašče raniej, u 2009 hodzie, Bajeŭski padaryŭ kvateru ŭ Maskvie pa vulicy Vierasajeva Lajsan Kabajevaj, siastry alimpijskaj čempijonki i deputata Dziarždumy. Žurnalisty źviazalisia z aficyjnymi pradstaŭnikami kampanii Lajsan Kabajevaj, adnak tyja admovilisia kazać pra pachodžańnie kvatery, jakaja ź niadaŭnich časoŭ zapisanaja na ich bosa.

Tym nie mienš ahienctvu ŭdałosia pahavaryć z pres-sakratarom Aliny Kabajevaj i zadać joj pytańni ab adnosinach deputata Dziarždumy z prezidentam RF Uładzimiram Pucinym i ab ździełkach pamiž Bajeŭskim i jaje svajakami. «Jany ŭsie darosłyja ludzi, adkazvajuć za svaje ŭčynki i žyvuć svaim žyćciom. Alina Marataŭna Kabajeva nijak nie źviazanaja z hetymi pytańniami», — zajaviŭ aficyjny pradstaŭnik parłamientaryja.

Žurnalisty ahienctva daviedalisia pra jašče adnu ŭhodu z udziełam Bajeŭskaha. Pavodle ich infarmacyi, letaś biznesmien pieradaŭ va ŭłasnaść jašče adnu kvateru ŭ elitnym žyllovym kompleksie ŭ Maskvie, na hety raz 23-hadovaj vypusknicy MDU Alisie Charčavaj. Dziaŭčyna atrymała šyrokuju viadomaść u 2010 hodzie, kali razam sa svaimi adnakurśnicami vypuściła eratyčny kalandar, zrabiŭšy niezvyčajny padarunak prezidentu Rasii na dzień naradžeńnia, jaki jon adznačaje 7 kastryčnika.

Praz dva hady, u 2012-m, Charčava znoŭ źniałasia ŭ fotasiesii, na hety raz z katom, kab pavinšavać kiraŭnika dziaržavy z dniom naradžeńnia. Zdymki byli apublikavanyja ŭ jaje błohu.

Pavialičyć

Na pytańnie pra toje, jak atrymałasia tak, što jana nabyła kvateru z ruk Bajeŭskaha, Charčava u razmovie z žurnalistami patłumačyła, što pry ŭhodzie karystałasia pasłuhami adnaho sa staličnych ahienctvaŭ nieruchomaści i asabista nie viedaje biznesmiena. «My kupili kvateru ŭ ipateku i vypłačvajem jaje da hetaha času», — zajaviła jana.

Pry hetym Charčava krajnie rezka adreahavała na pytańnie ahienctva pra toje, ci mahli joj dapamahčy jaje «suviazi z Pucinym» pry kupli kvatery: «Mnie nichto jašče nikoli nie zadavaŭ takich durnych pytańniaŭ».

Ahienctva śćviardžaje, što Bajeŭski doŭhi čas pracavaŭ pamočnikam bližejšaha siabra Uładzimira Pucina Arkadzia Ratenbierha. Pry hetym žurnalisty adznačajuć, što da niadaŭniaha času imia biznesmiena, pra jakoha adnym ź pieršych napisaŭ žurnalist Raman Anin, u ŚMI praktyčna nie fihuravała.

Žurnalisty Reuters adznačajuć, što ŭ 2006 hodzie Bajeŭski razam z Arkadziem i Barysam Ratenbierhami zasnavaŭ dačny kaapieratyŭ u Maskoŭskaj vobłaści. Hetyja dadzienyja, jak padkreślivaje ahienctva, znachodziacca ŭ adkrytym dostupie.

Ahienctva taksama pryvodzić słovy pres-sakratara prezidenta RF Dźmitryja Piaskova, jaki abvierh mahčymuju suviaź biznesmiena z kiraŭnikom dziaržavy. «My ničoha nie viedajem pra toje, chto jon taki. Prezident taksama nie znajomy ź im», — abviaściŭ Piaskoŭ.

Adkazvajučy na inšyja pytańni, pres-sakratar kiraŭnika dziaržavy pryznaŭ, što ŭ Kreml pastupili šmatlikija zapyty ad mižnarodnych žurnalistaŭ prakamientavać infarmacyju pra siabroŭ dziacinstva prezidenta i tyja fakty, što hetyja ludzi atrymlivajuć dziaržkantrakty i dziaržzakazy. Piaskoŭ tady taksama admoviŭsia ad kamientaroŭ, padkreśliŭšy, što ŭ Kramli schilnyja stavicca da takich materyjałaŭ jak da metanakiravanaj palityčnaj kampanii, nakiravanaj na dyskredytacyju Pucina.

Aficyjnyja pradstaŭniki Arkadzia Ratenbierha ŭ razmovie z žurnalistami taksama admaŭlajuć suviaź svajho bosa z Bajeŭskim, nastojvajučy na tym, što apošni nie pracuje na struktury Ratenbierha.

Adkrytyja rasijskija krynicy paćviardžajuć, što Ratenbierha i Bajeŭskaha źviazvajuć ci, prynamsi, źviazvali dziełavyja adnosiny. Jak pisaŭ ŭ 2012 hodzie Forbes, ZAT «Nacyjanalnaja chimičnaja hrupa», zarehistravanaja ŭ kastryčniku 2011 hoda, naležyć Ratenbierhu. 100% akcyj hetaj kampanii naležyć ZAT «Ruskaja chołdynhavaja kampanija» (RCHK), asnoŭnym akcyjanieram jakoj vystupaje «Ołpan Inviestments Limited», dzie ŭ Ratenbierha 50% akcyj. A «Ołpan Inviestments Limited», u svaju čarhu, źjaŭlajecca 100-pracentnym zasnavalnikam ZAT «Ruskaja chołdynhavaja kampanija», hienieralnym dyrektaram u jakoj słužyć Bajeŭski Ryhor Savieljevič.

Kreml i Dziaržduma nie zacikavilisia rasśledavańniem Reuters

Rasijskija ŭłady ŭžo źviarnuli ŭvahu na žurnalisckaje rasśledavańnie ahienctva, adnak nie źbirajucca prymać jaho ŭsurjoz, tamu što hetaja publikacyja źjaŭlajecca adnym z infarmacyjnych ukidaŭ, nakiravanych na dyskredytacyju Kramla. Takoje mierkavańnie, u pryvatnaści, vykazaŭ pres-sakratar kiraŭnika dziaržavy Dźmitryj Piaskoŭ, pieradaje RBK.

Na ŭdakładniajučaje pytańnie, ci buduć u administracyi prezidenta rasśledavać fakty pieradačy nieruchomaści ad biznesmiena Bajeŭskaha žančynam, jakich žurnalisty źviazvajuć z kiraŭnikom dziaržavy, Piaskoŭ adkazaŭ admoŭna.

RBK sa spasyłkaj na krynicu, znajomuju ź situacyjaj, adznačaje, što ŭ administracyi prezidenta nie płanujuć pradprymać nijakich dziejańniaŭ pa vynikach materyjała Reuters. Ničoha novaha ŭ ich nie havorycca, śćviardžaje surazmoŭca žurnalistaŭ.

Nie prajavili asablivaj cikavaści da publikacyi i ŭ parłamiencie. Namieśnik staršyni kamiteta Dziarždumy pa biaśpiecy i supraćdziejańni karupcyi Ernest Valejeŭ, u svaju čarhu, adznačyŭ, što i dumski kamitet nie budzie vyvučać vykładzienyja ŭ artykule fakty, bo «heta domysły».

U kampanii «Inapraktyka», jakuju ŭznačalvaje Kaciaryna Cichanava, na prośbu žurnalistaŭ ab kamientary paprasili nakiravać aficyjny zapyt. U «Nacyjanalnaj Miedyja Hrupie», staršynioj savieta dyrektaraŭ jakoj źjaŭlajecca Alina Kabajeva, RBK zajavili, što nie buduć kamientavać rasśledavańnie Reuters. «Da dziejnaści chołdynhu heta nie maje dačynieńnia», — rastłumačyŭ pradstaŭnik kampanii.

Pavialičyć

Raniej, u čaćvier, Dźmitryj Piaskoŭ vystupiŭ z čarhovaj pieraściarohaj, zajaviŭšy, što infarmacyjnyja ataki na prezidenta RF, pra jakija zahadzia papiaredžvaŭ Kreml, praciahnucca, pakolki ich aŭtary zadumali cełuju kampaniju z «prycełam» na budučyja vybary.

Pa słovach kiraŭnika kramloŭskaj pres-słužby, «tut havorka idzie nie pra čysta žurnalisckuju dziejnaść, havorka idzie pra kampaniju, źviazanaj z sprobami razhajdać abstanoŭku ŭ krainie, dyskredytavać kiraŭnictva krainy, u pieršuju čarhu — prezidenta», i «tym samym akazać upłyŭ i na situacyju ŭ krainie, i na chod vybarčych pracesaŭ». «Tamu, z našaha punktu hledžańnia i pa toj infarmacyi, jakaja ŭ nas majecca, aŭtary padobnych tendencyj svaje sproby nie pakinuć», — paviedamiŭ Piaskoŭ.

28 sakavika Piaskoŭ zajaviŭ ab padrychtoŭcy paklopnickaj kampanii ŭ ŚMI, nakiravanaj suprać Pucina. Pres-sakratar paviedamiŭ, što ŭ majučych adbycca publikacyjach havorka pojdzie asabista pra Pucina, pra sproby «dabracca da jaho siamji infarmacyjna, a taksama pra siabroŭ dziacinstva Pucina». Siarod takich siabroŭ Piaskoŭ nazvaŭ staršyniu savieta dyrektaraŭ banka «Rasija» Juryja Kavalčuka, biznesmiena Arkadzia Ratenbierha i «inšych».

• 0
• 0
• 0
• 0
• 0
• 0
• 0
• 0