Sud daŭ sankcyju na aryšt 59-hadovaha Siarhieja Carova, jaki streliŭ u hałavu hramadzianinu Tadžykistana ŭ maskoŭskim mietro, paviedamlaje Bi-bi-si.
Caroŭ uziaty pad vartu da 9 červienia. Kryminalnaja sprava raspačata pa artykule «zamach na zabojstva».
Incydent adbyŭsia 8 krasavika na stancyi mietro «Prafsajuznaja». Pavodle aficyjnych paviedamleńniaŭ, mužčyna pasvaryŭsia z hramadzianinam Tadžykistana Sułajmonam Saidavym u vahonie mietro, dastaŭ traŭmatyčny pistalet «Asa» i dva razy streliŭ Saidavu ŭ hałavu.
Pa słovach vidavočcaŭ, Caroŭ zrabiŭ niekalki niecenzurnych zaŭvah dvum hramadzianam Tadžykistana, jakija jechali razam ź im u adnym vahonie mietro, a paśla navat pačaŭ vyhaniać ich z vahona, maŭlaŭ, takim tut nie miesca, pieradaje islamnews.ru. Pieršym jon staŭ abražać plamieńnika Saidava — Muchamadžona Chakimava. Dziadźka sprabavaŭ zastupicca za plamieńnika i supakoić Carova. Adnak toj ŭ adkaz vyciahnuŭ zbroju i dvojčy streliŭ Sułajmonu ŭ hałavu. Streły byli zroblenyja prycelna — adna kula trapiła ŭ jabłyk voka i zastałasia ŭ im.
Jon vypuściŭ pistalet, pa im i vyznačyli padazravanaha. Jaho zatrymali pozna ŭviečary ŭ piatnicu.
U subotu pasolstva Tadžykistana ŭ Maskvie zajaviła, što sočyć za rasśledavańniem spravy i maje namier patrabavać abjektyŭnaha rasśledavańnia.
Saidaŭ znachodzicca ŭ reanimacyi.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski8
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2323
Kamientary