Hurt Dzieciuki zaličyli ŭ ekstremisty i nie dazvolili ŭžo druhi kancert u Minsku
Hrodzienski hurt Dzieciuki, imavierna, trapiŭ pad niehałosnuju zabaronu. Apošni vystup kalektyvu ŭ Minsku adbyŭsia ŭ miežach muzyčnaj premii Jeŭraradyjo «Dajom rady» 27 lutaha. Paśla hetaha ŭsie sproby arhanizavać kancert hurta byli biezvynikovymi. Hrodzienskija panki źbiralisia prezientavać novy albom «Recha» u staličnym kłubie Re:Public 14 maja, adnak Minharvykankam nie vydaŭ dazvoł na mierapryjemstva.
Toje samaje zdaryłasia i z vystupam hurta ŭ kłubie Beer&Wine 15 maja, jaki mieŭ adbycca ŭ miežach festu «Dzień dudy». Staršynia hałoŭnaha ŭpraŭleńnia ideałahičnaj pracy, kultury i pa spravach moładzi Minharvykankama Pavieł Skałaban nie kamientuje, čamu «Dzieciuki» nie mohuć vystupić u Minsku, i kaža, što ŭsio patłumačana ŭ liście arhanizataram:
«My ŭsio patłumačyli ŭ dakumiencie. Dzie ŭziać dakumient? Nie viedaju, my dasłali jaho zajaŭnikam».
Arhanizatary kancertaŭ taksama admaŭlajucca kamientavać situacyju. Pa infarmacyi krynicy Jeŭraradyjo ź Minharvykankama, u adkazie ideołahaŭ havorycca pra toje, što dziejnaść «Dzieciukoŭ» traplaje pad punkt 5 hłavy 2 «Pałažeńnia ab arhanizacyi i praviadzieńni kulturna-vidoviščnych mierapryjemstvaŭ», zaćvierdžanaha Ukazam prezidenta. Pad hetym punktam u dakumiencie havorycca nastupnaje:
«Zabaraniajucca arhanizacyja i praviadzieńnie mierapryjemstvaŭ:
- jakija majuć na mecie ažyćciaŭleńnie prapahandy vajny ci ekstremisckaj dziejnaści;
- jakija pradstaŭlajuć pahrozu nacyjanalnaj biaśpiecy, hramadskamu paradku, maralnaści i zdaroŭju nasielnictva, pravam i svabodam hramadzian;
- z parušeńniem patrabavańniaŭ dadzienaha Pałažeńnia i inšych aktaŭ zakanadaŭstva, u tym liku ŭ śfiery aŭtarskaha prava i sumiežnych pravoŭ».
Sam hurt ciapier hastraluje pa Polščy i Ukrainie. Da situacyi ź minskimi kancertami muzyki staviacca pa-fiłasofsku:
«To zabaraniajuć, to dazvalajuć. Budziem praciahvać zajmacca aśvietnictvam i tvorčaściu!»
Dzieciuki — hrodzienski fołk-pank-hurt, zasnavany ŭ 2012 hodzie. U dyskahrafii maje dva poŭnafarmatnyja albomy «Haradzienski harmidar» i «Recha».
-
«Dačka dabjecca, kab nichto nie zabaraniaŭ śpiavać jaho pieśni». Adzinaja dačka Aleha Moŭčana biezvynikova zmahajecca ź jaho ŭdavoj za «Malitvu»
-
Paśla patryjatyčnaha paryvu biełarusaŭ u fiłarmonii ŭdava kampazitara Moŭčana zabaraniła ŭsim vykonvać «Malitvu» Janki Kupały
-
Pašynian stvaraje muzyčny hurt
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści41
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary