Kafe Monkey Food: viehanskaje mieniu, dastaŭka na rovarach i ŭnikalnyja recepty FOTA
U Minsku, na vulicy Bahdanoviča 128a, paśla nievialikaha remontu praciahvaje pracu kafe ź viehanskim mieniu «Monkey Food».
Kamanda zapuściła konkurs u internecie, dzie prapanavała namalavać eskiz dla novaha dyzajnu pamiaškańnia. U vyniku było vyrašyna dać razmalavać ścieny žycharam psichanieŭrałahičnaha internata №5. «U ich atrymałasia davoli kanceptualna, a eskiz jany namalavali za paŭdnia», — adznačyli ŭ kafe.
Pra «Monkey Food»
«Heta nie prosta kafe, a ceły prajekt. U adkryćci «Monkey Food» udzielničała vialikaja kolkaść ludziej, dzieści kala 50. Cikavuju nazvu kafe prydumała Maša, jakaja piakła pirahi i svoj kulinarny prajekt nazvała «Monkey Food»».
Kafe, niehledziačy na viehanskuju kuchniu, raźličanaje na masavuju kulturu. «Naša kafe raźličanaje na zvyčajnaha siaredniestatystyčnaha čałavieka. My chočam, kab našy stravy pakaštavała maksimalnaja kolkaść ludziej. Tamu my sprabujem zrabić jaho maksimalna dastupnym: dzicia ci darosły čałaviek, biedny ci z dobrym dastatkam. Nam padajecca, što jość takaja prablema ŭ Minsku, što viehietaryjanskija i viehanskija ŭstanovy adkryvajucca tolki dla viehanaŭ i viehietaryjancaŭ. My chacieli niejak pazbavicca hetaha kliše, kab naša ježa była ahulnadastupnaj. My zaŭsiody ekśpierymientujem ź ježaj i smakam. Kali kamuści z kamandy prychodzić niejkaja ideja, my źbirajem fokus-hrupu, i, kali ŭsim heta padabajecca, možam niešta źmianić u recepcie».
Admietnaj u «Monkey food» źjaŭlajecca i dastaŭka – usie zamovy dastaŭlajucca kurjerami na rovarach. «My zapuścili dastaŭku zimoj. Tady ŭsie śmiajalisia. Pieršaja zamova była ŭ -15 hradusaŭ, i dastaŭlała jaje naša dziaŭčynka Kryścina. Niadaŭna, darečy, jana pieramahła ŭ spabornictvach u Lvovie pa viełatreku. U niekatorych momantach rovar nie sastupaje aŭto. Rovar bolš mabilny i manieŭrany. Ciapier u nas tolki dva rovary, ale my spadziajomsia, što pavialičym kolkaść. My navat admysłovyja skryni dla ježy na rovar prydumali».
Mieniu i ceny
Usim naviedvalnikam i žadajučym zamović viehanskuju ježu prapanujucca try pazicyi: boksy, roły i vypiečka. Dadatkova možna zamović piečyva z žuravinami, sousy, pasty, harbatu i kavu, uzvary i niekalki vidaŭ haziroŭki. Boksy i roły možna zamović jak tradycyjnyja, tak i bierbierskija.
Bierbiery (samanazva — «svabodny mužčyna») — ahulnaja nazva žycharoŭ, jakija pryniali isłam u VII stahodździ ŭ paŭnočnaj Afrycy. Pa słovach kamandy «Monkey Food», bierbiery prydumali aŭtentyčnuju bierbierskuju sałatu, jakuju jany vykarystoŭvajuć u svaich receptach.
Pirahi jość sałodkija (jahadny i jabłyčny) i niesałodkija (z fasollu i bulbiany). Kafe zrabiła akcent na ŭzvarach i hazavanych napojach. Uzvary pryhatavanyja pa ŭnikalnych receptach, a haziroŭka — z naturalnych składnikaŭ i robicca ŭ Hiermanii.
U boksy ŭvachodzić try šaryki fałafiela ci 80 h absmažanaha miasa z raślinnaha pšaničnaha białku, bulba ci rys, i sałata. Takija boksy kaštujuć ad 45 da 80 tysiač rubloŭ. Ceny na fałafieli i kiebaby vahajucca ad 35-70 tysiač rubloŭ u zaležnaści ad načynki i pamieru. Za kavałak piraha pryjdziecca addać 30 tysiač, za ceły piroh – 120 tysiač. Uzvary kaštujuć pa 25 tysiač, kava ad 15 da 25 tysiač, harbata – 10 tysiač.
Smak
Zamova składałasia z paradaŭ samich uładalnikaŭ kafe. Kamanda «Monkey Food» paraiła pakaštavać tradycyjny fałafiel, bierbierski kiebab, uzvary kartatu i šypka i naturalnuju kołu z arechaŭ koła.
Fałafiel i kiebab
Bolš za ŭsio pa smaku ŭražvaje bierbierski kiebab. U skład uvachodziać absmažanaje miasa z raślinnaha pšaničnaha białku razam z harodninaj, firmovym sousam i aŭtentyčnaj bierbierskaj sałataj. Na smak niemahčyma adroźnić raślinnaje miasa ad sapraŭdnaha. Vastrynia i kisły prysmak daje vydatnaje spałučeńnie, i pry hetym łavaš nie budzie suchim. Z fałafielem padobnaja situacyja – admysłovy sous daje pikantny smak.
«Monkey Food» raspaviali «NN» pra recept bierbierskaj sałaty. Sprava ŭ tym, što chłopiec Saša ź ich kamandy vandravaŭ na poŭnačy Afrycy i patrapiŭ u supołku bierbieraŭ. Tam jamu dali pakaštavać ich aŭtentyčnuju sałatu. Jana adnačasova vostraja i kisłaja. Tudy dadajuć pierac čyli, zielaninu, aliŭki, limonny sok i h.d. Pry hetym jana absalutna padychodzić dla ludziej z prablemami straŭnika.
Uzvary
Na vybar pradstaŭlenyja dva ŭzvary – kartatu i šypka. Pieršy ŭzvar taksama maje svaju historyju. Chłopiec z kamandy admysłova pajechaŭ u viosku, jakaja maje padobnuju nazvu da jaho ŭlubionaha hurtu. I tam jamu prapanavali pakaštavać miascovy napoj kartatu – z apielsinam i piercam čyli. Na smak jon vostry i pry hetym miakki, z-za apielsina. Sapraŭdy, napoj maje peŭnuju vastryniu, ale lepiej nie zapivać im bierbierski kiebab, bo budzie jašče bolš vostra.
Paśla vostraha lepiej pakaštavać šypku. Heta haračy mors na asnovie hranatavaha soku, kvietak hibiskusu i śpiecyj. Pa smaku čymści nahadvaje papularny hlintviejn.
Naturalnaja haziroŭka
Sprava ŭ tym, što kamanda «Monkey Food» nie vykarystoŭvaje papularnych va ŭsich kafe hazavanych napojaŭ. Ale ŭ ich jość naturalnyja anałahi, jakija možna nabyć tolki ŭ Minsku. Hetyja napoi robiacca ŭ Hiermanii, a zroblenyja z naturalnych raślin i ekstraktaŭ. U najaŭnaści jość i naturalnyja enerhietyki. Na smak taja ž koła mienš sałodkaja za aryhinalnuju, ale nie maje nijakich «Je» i zroblenaja z arechaŭ koła.
Vynik
Budźcie ŭpeŭnienyja, što kali vy jaścio miasa i pakaštujecie bierbierski kiebab ci fałafiel – nie adroźnicie sapraŭdnaje miasa ad raślinnaha. Dla viehanaŭ dy viehietaryjancaŭ ža heta moža stać adkryćciom novych smakaŭ i receptaŭ. U «Monkey Food» pradstaŭlenaja zdarovaja ježa z karysnymi dla zdaroŭja praduktami i prymalnymi cenami. Bolš za toje, kamanda turbujecca pra ekałohiju, tamu vykarystoŭvaje adnarazovyja stałovyja prybory z cukrovaha tryśniahu i talerki z kukuruznaha kruchmału. Kali dla vas kafe znachodzicca zanadta daloka, to ŭ bližejšy čas «Monkey Food» płanuje adkryć jašče adno, ale ŭžo ŭ centry.
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary