Upraŭleńniem Śledčaha kamiteta pa Minsku raspačataja kryminalnaja sprava ŭ dačynieńni da matacyklista, jaki padazrajecca va ŭčynieńni darožna-transpartnaha zdareńnia, u jakim paciarpieŭ 46-hadovy supracoŭnik Dziaržaŭtainśpiekcyi, paviedamiŭ aficyjny pradstaŭnik USK Alaksandr Hierasimaŭ.
Nahadajem, DTZ adbyłosia 18 krasavika kala 10.50 na skryžavańni praśpiekta Niezaležnaści, praśpiekta Mašerava i vulicy Kazłova.
Jak paviedamiŭ Hierasimaŭ, na miescy zdareńnia praviedzienyja pieršapačatkovyja śledčyja dziejańni, u tym liku apytanyja vidavočcy, kanfiskavanyja i vyvučanyja zapisy kamier videanazirańnia. Pavodle jaho słoŭ, papiaredni analiz najaŭnych u rasparadžeńni śledstva materyjałaŭ dazvalaje vykazać zdahadku, što supracoŭnik milicyi padyšoŭ da matacyklista, jaki stajaŭ na skryžavańni, u suviazi z parušeńniem im praviłaŭ darožnaha ruchu. Sprabujučy ŭciačy, apošni paciahnuŭ za saboj inśpiektara na prajeznuju častku, dzie na ich byŭ učynieny najezd aŭtamabilem inkasatarskaj słužby.
U vyniku DTZ aficer i kiroŭca atrymali cialesnyja paškodžańni i špitalizavanyja.
Stan supracoŭnika milicyi aceńvajecca jak ciažki, jon znachodzicca pad pastajannym nahladam miedycynskich śpiecyjalistaŭ.
Dziejańni 31-hadovaha žychara Homielskaj vobłaści, jaki kiravaŭ matacykłam, kvalifikavanyja jak złačynstva, praduhledžanaje č. 2 art. 317 KK (parušeńnie praviłaŭ darožnaha ruchu, što paciahnuła pa nieaściarožnaści pryčynieńnie ciažkaha cialesnaha paškodžańnia).
Padazravany zatrymany, jon znachodzicca ŭ miedycynskaj ustanovie, dzie vystaŭleny post achovy.
Śledčyja šukajuć śviedak DTZ, hramadzian, jakija vałodajuć značnaj dla rasśledavańnia infarmacyjaj, a taksama videazapisami taho, što adbyłosia, na elektronnych pryładach. Kanfidencyjalnaść harantujecca.
Ciapier čytajuć
Babaryka: Kali b my pieramahli — vajny va Ukrainie nie było b32
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»88
Kamientary