U Pinsku padčas ramontu aŭtamabila śmiarotna traŭmavany 52-hadovy miascovy žychar.
Jak paviedamiła aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova, cieła mužčyny 27 krasavika kala 18.30 u dvary jaho doma pad aŭtamabilem «VAZ» vyjaviŭ susied, jaki pryjšoŭ viarnuć haječny kluč. Ab tym, što zdaryłasia, jon paviedamiŭ u chutkuju dapamohu.
Ź jaho słoŭ, dniom pinčuk adzin zajmaŭsia ramontam asabistaha aŭtamabila. Pavodle papiaredniaj viersii, kali mužčyna sprabavaŭ źniać paŭvoś z «VAZa», adbyłosia pierakulvańnie hidraŭličnaha damkrata, ustalavanaha na dźviuch cahlinach. Pry hetym piaredniaje pravaje koła na transpartnym srodku adsutničała.
U vyniku pinčuka, jaki znachodziŭsia pad matornym adsiekam aŭtamabila, prycisnuła da ziamli.
Pinskim mižrajonnym adździełam Śledčaha kamiteta pa fakcie hibieli mužčyny pravodzicca pravierka. Apytvajucca svajaki i susiedzi zahinułaha, pryznačanaja sudova-miedycynskaja ekśpiertyza.
Pinčuk pražyvaŭ razam z žonkaj i synam, padčas trahiedyi ich doma nie było. Raniej mužčyna pracavaŭ kiroŭcam.
Kamientary