«Žalezny čałaviek»
Žalezny čałaviek (Iron Man)
ZŠA, 2008, kalarovy, 126 chv.
Režyser: Džon Favro
Roli vykonvajuć: Robert Daŭni-małodšy, Hvinet Pełtraŭ, Terens Hoŭard, Džef Brydžes, Leśli Bib, Faran Tachir, Sten Li
Žanr: Komiks
Adznaka: 6,5 (z 10)
Miljarder i płejboj Toni Stark, jaki handluje zbrojaj, traplaje ŭ pałon da madžachiedaŭ. Terarysty patrabujuć, kab amerykaniec zrabiŭ im rakiety. Ale zamiest hetaha hieroj stvaraje bajavy žalezny kaścium, z dapamohaj jakoha j uciakaje. Abličča žaleznaha čałavieka nastolki pryjšłosia daspadoby ekscentryčnamu handlaru, što jon apranuŭ novyja łaty – i lotaje nad Ziamloju, kab śćviardžać dabro kułakami i zmahacca ź niahodnikami, jakija jaho padstavili…
“Žalezny čałaviek” – testasteronavy komiks ad kampanii “Marveł”, svajak “Betmena” i “Čałavieka-pavuka”. Film prapanuje samyja radykalnyja srodki dla aŭhanskaj vajny i słavić amerykanski patryjatyzm, raskviečany samymi krutymi kamputarnymi efektami.
Što rabić, kali handlara zbroi “padstavili”? Kali najnoŭšaja technika traplaje ŭ ruki vorahaŭ – i źniščaje žančyn i dziaciej? Chipi 60-ych kryčali: “Dałoŭ vajnu – i dałoŭ techniku!”
Ichni raŭnaletka – komiksavy Toni Stark, jaki źjaviŭsia taksama ŭ 60-yja, prapanuje badziora-technakratyčnaje vyjście – stvaryć novy hadžet i daŭbasić im pa złačynnym hałovam.
Vidovišča atrymałasia fejeryčnaje. Rakiety vybuchajuć, kaściumčyk lotaje, termajadzierny reaktar bulkaje, złačyncy składujucca štabielami.
Robert Daŭni-małodšy – zapisny alkaholik i były Čarli Čaplin ŭkładaje ŭ hadžet usiu dušu. Jahony persanaž nia tolki pje viski ź ildom, zmahajecca j stralaje. Jon jašče j žyvy – nakolki heta dazvalajecca komiksavaj mascy.
Jahonaja siabroŭka – Hvinet Pełtraŭ zbolšaha zamiest mebli, zły niahodnik (Džef Brydžes) – fakturna pradkazalny, lepšy siabra (Terens Hoŭard) – etalonna patryjatyčny, ale henyja fihury całkam u stylistycy komiksu. “Žalezny čałaviek” – vybuch admysłovych efektaŭ i dziciačaja cacka: z takim kaściumčykam i na špacyr!
Rasiejskija j biełaruskija vajskoŭcy daŭno kryčać pra “patryjatyčnyja filmy”. Vučyciesia ŭ “hieapalityčnaha voraha”, panovie! Halivud – samaja zabaŭlalnaja zbroja masavaha źniščeńnia j paŭsiudny tryjumf Ameryki.
Na mižnarodnym kinasajcie IMDB.com film trapiŭ u śpis 250 najlepšych stužak.
Ciapier čytajuć
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju1
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6666
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie66
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch17
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
Kamientary