Pik aktyŭnaści mieteornaha patoku Majskija Akvarydy sioleta prypadaje na noč z 5 na 6 maja. Ubačyć «zorny doždž» zmohuć i biełarusy.
Najlepšy čas dla nazirańnia vypadzie z 23:00 5 maja da 4:30 6 maja. Prahnazujemy lik mieteoraŭ pry idealnych umovach nazirańnia składzie ad 30 da 50 u hadzinu. Asobnyja źnički buduć bačnyja i ŭ inšyja dni až da 28 maja.
Radyjant Majskich Akvarydaŭ znachodzicca ŭ suzorji Vadaleja pobač z zorkaj Eta Vadaleja. Vizualna budzie zdavacca, što mieteory buduć vylatać z hetaha punktu ŭ roznyja baki.
Nazirać mieteorny patok zručniej za ŭsio za horadam — tam, dzie nie budzie zaminać haradskoje zaśviatleńnie. Źnički buduć bačnyja tolki pry jasnym nadvorji. Sioleta pik Akvarydaŭ vypadaje na maładzik — śviatło miesiaca nie pieraškodzić nazirańniu za zorkami.
Majskija Akvarydy — mieteorny patok, źviazany z kamietaj Haleja, viadomy jarkimi i chutkimi mieteorami. Kožny elemient «zornaha daždžu» — askiepak kamiety, jaki zharaje ŭ ziamnoj atmaśfiery.
Kamientary