Vyjšaŭ novy trejler «Iluzii padmanu-2». U roliku možna ŭbačyć Denieła Redklifa, jaki ŭ pamiaci miljonaŭ nazaŭždy zastaniecca Hary Potaram.
Jon źniaŭsia razam z Majkłam Kiejnam, Markam Ruffała, Vudzi Charelsan, Džesi Ajzienbierham i Morhanam Frymanam ŭ sikvieły «Iluzija padmanu: Druhi akt». U hetaj karcinie Džona M. Ču pra iluzijanistaŭ-rabaŭnikoŭ Redklif vykanaŭ adnu z klučavych rolaŭ.
Jaho hieroj — hienij-vynachodnik, jaki zajmajecca padrychtoŭkaj novaha mahičnaha źniknieńnia fokuśnikaŭ, jakija źbirajucca ździejśnić samaje niejmaviernaje rabavańnie. Jany majuć namier zrabić heta ŭ apošni raz, kab viarnuć sabie dobraje imia i vykryć złačyncu, jaki padšturchnuŭ ich na ślizkuju darohu.
Jany hatovyja kinuć usie svaje siły na padrychtoŭku maštabnaj machinacyi i paźbiehnuć pakarańnia z boku pravasudździa, jakoha damahajecca syn ašukanaha čaćviorkaj Artura Treślera.
Dziejańnie filma-praciahu razhortvajecca praz hod paśla padziej, jakija adbylisia ŭ karcinie «Iluzija padmanu» (2013), jakaja sabrała ŭ suśvietnym prakacie $351,7 młn pry biudžecie $75 młn.
Vychad filma ŭ prakat pryznačany na červień 2016 hoda.
Kamientary