Halereja Ŭ (pr.Niezaležnaści, 37a). 18.30.
18 traŭnia Latučy ŭniviersitet i Biełaruski Kalehijum prezientujuć Antałohiju biełaruskaha myśleńnia 2000-2015 hh., jakaja pabačyła śviet pad nazvaj «Kod prysutnaści».
Prezientacyja adbudziecca ŭ Halerei Ŭ, pačatak a 18.30
«Mahčyma, samaje hałoŭnaje, što adbyłosia ŭ žyćci krainy za apošni čas, — heta źjaŭleńnie dyskursa sučasnaha biełaruskaha myśleńnia. Bo bieź jaho Biełaruś nikoli nie zmahła b zrazumieć i ŭparadkavać samuju siabie», - hetaje padsumavańnie Valancina Akudoviča datyčać času ŭźniknieńnia takich znakavych dla intelektualnaj historyi Biełarusi prajektaŭ, jak Encykłapiedyčnaja sieryja pad redakcyjaj A.Hrycanava i «Antałohija sučasnaha biełaruskaha myśleńnia» pad redakcyjaj A.Ancipienki i V.Akudoviča.
Kaštoŭnaść antałohij nie tolki ŭ tym, što jany pakazvajuć bahaćcie i raznastajnaść faktury. Jany stvarajuć peŭnuju prajekcyju, dajuć nam optyku, jakaja dazvalaje ŭbačyć situacyju ŭ paŭnacie, cełasna, paznačaje admietnaść i adroznaść hetaha pieryjadu u paraŭnańni z papiarednim.
Nadyšoŭ čas zrabić nastupny «zrez» i ŭbačyć toj intelektualny i kulturny darobak, jaki prynieśli nam 2000-20015 hady. Druhi vypusk Antałohii biełaruskaha myśleńnia vychodzić pad nazvaj «Kod prysutnaści», samoj hetaj naminacyjaj paznajučy novy etap isnavańnia biełaruskaha myśleńnia, jaho staleńnie i farmavańnie vyraznych rysaŭ. U knizie sabranyja teksty roznych žanraŭ i stylaŭ - tut i manifiesty, i mietafizyčnyja razvahi, krytyka padychodaŭ i reakcyja na vykliki sučasnaha śvietu, pahłybleńnie ŭ karani cyvilizacyi ad samaha pačatku i asensavańnie Biełarusi «jakoj jana jość».
18 traŭnia a 18.30 u Halerei Ŭ adbudziecca prezientacyja Antałohii biełaruskaha myśleńnia «Kod prysutnaści». Siarod vystupoŭcaŭ i hanarovych haściej - siabry redakcyjnaj rady Taciana Vadałažskaja, Valancin Akudovič, Ihar Babkoŭ, Iryna Dubianieckaja, Pavieł Barkoŭski, aŭtary tekstaŭ, jakija ŭvajšli ŭ Antałohiju, a taksama ich blizkija i rodnyja. Viadoŭca imprezy – Maksim Žbankoŭ.
Arhanizatary zaprašajuć usich zacikaŭlenych dałučycca da padziei - adčuć atmaśfieru intelektualnaha asiarodździa, sustrecca ź viadomymi myślarami, nabyć knihu i atrymać aŭtohrafy aŭtaraŭ.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary