Staršyni niezarehistravanaha Sajuzu palakaŭ u Biełarusi pahražaje administracyjnaje spahnańnie za arhanizacyju ŭ Horadni kancertu polskaha hurta «Lombard». Hałoŭnym arhanizataram imprezy źjaŭlałasia Hieneralnaje konsulstva Polščy ŭ Horadni, Sajuz palakaŭ na Biełarusi vystupiŭ u jakaści adnaho z suarhanizataraŭ.
Staršyni Sajuzu palakaŭ na Biełarusi Anžalicy Borys pahražaje administracyjnaje spahnańnie za arhanizacyju ŭ Horadni kancertu polskaha hurtu «Lombard». Vystup viadomaj polskaj kamandy byŭ prymierkavany da 20‑hodździa z dnia zasnavańnia Sajuzu palakaŭ.
Hałoŭnym arhanizataram imprezy źjaŭlałasia Hieneralnaje konsulstva Polščy ŭ Horadni, Sajuz palakaŭ na Biełarusi vystupiŭ u jakaści adnaho z suarhanizataraŭ.
Roŭna tydzień spatrebiłasia haradzienskaj milicyi, kab pryjści da vysnovy, što mierapryjemstva było niesankcyjanavanaje. Chacia padčas samoha kancertu milicyjanty nie pradjaŭlali pretenzijaj ani da Anžaliki Borys, ani da muzykaŭ, a navat sami ź cikavaściu słuchali vystupleńnie hurtu «Lombard».
Raspaviadaje Inesa Todryk, aktyvistka Sajuzu palakaŭ z Horadni:
«Na praciahu miesiaca ŭłady admaŭlalisia dać pamiaškańnie dla arhanizacyi kancertu. U takim vialikim horadzie, jak Harodnia, nie znajšłosia miesca, kab zładzić vystup. Navat polskaje konsulstva sprabavała, ale biespaśpiachova. Tamu vystup adbyŭsia na terytoryi pryvatnaj firmy, kala konsulstva. Na kancercie byli i milicyjanty, i KDBešniki, nichto nia ŭmiešvaŭsia, impreza adbyłasia biez prablemaŭ. A ciapier vyśviatlajecca, što staršynia Sajuzu palakaŭ budzie adkazvać za arhanizacyju mierapryjemstva. Spadziajemsia, što heta budzie štraf, a nia aryšt».
Suprać Anžaliki Borys byŭ składzieny pratakoł pavodle artykułu «arhanizacyja niesankcyjanavanaha mierapryjemstva», za što Administracyjny kodeks Biełarusi praduhledžvaje štraf albo pazbaŭleńnie voli da 15 sutak. Dakładnaja data sudu nad Anžalikaj Borys pakul nie viadomaja.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju23
Kamientary