Na haradskich vadajomach možna sustreć kačak-babul. I adroźnić ich vielmi lohka
Prahulvajučysia kala sažałak, pryhladajciesia da kačak bolš uvažliva. Mahčyma, vy sustreniecie sapraŭdnuju ptušynuju babulu, jakaja bačyła hety park jašče zusim inšym, piša telehram-kanał «Dzikaja pryroda pobač».
Pryhledźciesia da hetych dvuch zdymkaŭ. Nižniaja kačka vyhladaje nie zusim zvyčajna, u jaje jość elemienty samcovaj afarboŭki. Źviarnicie ŭvahu na afarboŭku dziuby, hałavy, hrudziej i bakoŭ, śpiny i pokryva kryła.
Pierad nami daśviedčanaja, pavažanaja dama. Kryžanki zdolnyja žyć da 30 hadoŭ. U haradach, dzie niama nieabchodnaści ŭ ryzykoŭnych mihracyjach, a karmavaja baza stabilnaja, jany majuć usie šancy dasiahnuć takoha pavažnaha ŭzrostu. Takich starych ptušak navukoŭcy nazyvajuć senex — sastarełaja.
U starejšych samak kačak raźvivajecca mužčynskaja afarboŭka ŭ asnoŭnym praz značnaje źnižeńnie ŭzroŭniu estrahienu, vyklikanaje stareńniem abo paškodžańniem jaječnika. Kali ich adziny pracoŭny jaječnik pierastaje funkcyjanavać, heta spyniaje vypracoŭku harmonu, jaki zvyčajna padaŭlaje hieny apiareńnia samcoŭ.
U adroźnieńnie ad ludziej i inšych źviaroŭ, u ptušak samcy majuć dźvie adnolkavyja pałavyja chramasomy (ZZ), u toj čas jak u samak jość adna žanočaja chramasoma i adna mužčynskaja (ZW).
Na nabiarežnaj u Breście až strakacić ad kačak VIDEA
U maroznym Minsku ŭsio adno zimujuć redkija pieralotnyja ptuški
«Fortku adkryć niemahčyma, ahłuchnieš ad krykaŭ»: u Hrodna znoŭ viarnulisia čajki
Žuraŭlinaja addanaść: historyja kachańnia, jakoje pieramahło marazy
«Hryša žyvie tut, budzie jamu kampanija». Siamja z Babrujska prytuliła na padvorku piać lebiedziaŭ, jakija trapili ŭ biadu
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary